‘ക്രൈം വിൽ നെവർ ഡൈ’; ഗ്യാനേഷ് കുമാറിനെതിരായ വിജിലൻസ് അന്വേഷണത്തിൽ നിലപാട് വ്യക്തമാക്കി രമേശ് ചെന്നിത്തല!
കൊച്ചി: ഗ്യാനേഷ് കുമാറിനെതിരായ വിജിലൻസ് അന്വേഷണം എങ്ങനെ വേണമെന്ന് തീരുമാനിക്കേണ്ടത് താനല്ലെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല വ്യക്തമാക്കി. അന്വേഷണത്തിന്റെ രീതി വിജിലൻസ് ഡയറക്ടറും ഉദ്യോഗസ്ഥരുമാണ് തീരുമാനിക്കേണ്ടതെന്നും, 20 വർഷത്തിന് ശേഷം അന്വേഷണം നടത്തുന്നതിൽ തെറ്റില്ലെന്നും അദ്ദേഹം കൂട്ടിച്ചേർത്തു. ക്രൈം വിൽ നെവർ ഡൈ എന്ന് വ്യക്തമാക്കിയ മന്ത്രി, ലക്ഷ്മണ കേസ് അതിന് ഉദാഹരണമാണെന്നും ചൂണ്ടിക്കാണിച്ചു. ഗ്യാനേഷ് കുമാറിനെതിരെ നടക്കുന്നത് ചരിത്ര സമരമാണെന്നും ജനങ്ങൾ അതിന് പിന്തുണ പ്രഖ്യാപിക്കുകയാണെന്നും അദ്ദേഹം പറഞ്ഞു.
കളമശ്ശേരി കൂട്ടബലാത്സംഗ കേസിൽ ശക്തമായ നടപടി ഉണ്ടാകുമെന്നും ഡിജിപിക്ക് നിർദ്ദേശം നൽകിയിട്ടുണ്ടെന്നും ആഭ്യന്തരമന്ത്രി വ്യക്തമാക്കി. സ്പാകളുടെ മറവിലുള്ള തട്ടിപ്പുകളും അതിക്രമങ്ങളും കർശനമായി തടയും. എറണാകുളം ജില്ലയിലാണ് ഇത്തരം സംഭവങ്ങൾ കൂടുതലായി റിപ്പോർട്ട് ചെയ്യപ്പെട്ടിട്ടുള്ളതെന്നും, സെക്സ് റാക്കറ്റുകൾ പ്രവർത്തിക്കുന്നുണ്ടെന്ന പരാതിയുടെ അടിസ്ഥാനത്തിൽ ശക്തമായ പോലീസ് നടപടി ഉണ്ടാകുമെന്നും മന്ത്രി മുന്നറിയിപ്പ് നൽകി.
അതേസമയം, രാഹുൽ മാങ്കൂട്ടത്തിലിനെ വിമർശിച്ചവർക്കെതിരെ കേസെടുത്തതിനെക്കുറിച്ച് അറിയില്ലെന്ന് രമേശ് ചെന്നിത്തല പ്രതികരിച്ചു. എന്നാൽ, യുഡിഎഫിൽ കൂടിയാലോചനകളില്ലെന്നും മാധ്യമങ്ങളിലൂടെയാണ് വിവരങ്ങൾ അറിയുന്നതെന്നുമുള്ള അടൂർ പ്രകാശിന്റെ പരാതിയെക്കുറിച്ചുള്ള ചോദ്യത്തോട് പ്രതികരിക്കാൻ മന്ത്രി തയ്യാറായില്ല.
