ഓണത്തിന്റെ വരവ് അറിയിച്ചുകൊണ്ട് തിരുവനന്തപുരം കനകക്കുന്നിൽ ഓണം വാരാഘോഷത്തിന്റെ കൊടിയേറി. മന്ത്രി പിസി വിഷ്ണുനാഥ് ആണ് പതാക ഉയർത്തിയത്. ശശി തരൂർ എംപി എംഎൽഎമാരായ എം വിൻസെന്റ്, എം ആർ ബൈജു, ജി സ്റ്റീഫൻ എന്നിവർ ചടങ്ങിൽ പങ്കെടുത്തു.
തിരുവനന്തപുരത്തെ 14 മണ്ഡലങ്ങളിലും പര്യടനം നടത്തി ഘോഷയാത്രയോടു കൂടിയാണ് പതാക കനകക്കുന്നിൽ എത്തിച്ചത്. ഓണം വാരാഘോഷത്തിന്റെയും ഭാഗമായി ശശി തരൂർ ഫുഡ് കോർട്ട് ഉദ്ഘാടനം ചെയ്തു. വൈദ്യുത ദീപാലങ്കാരങ്ങളുടെ സ്വിച്ച് ഓൺ കർമ്മം മന്ത്രി കെ മുരളീധരൻ നിർവഹിച്ചു.
