സെക്രട്ടറിയേറ്റ് ദൃശ്യങ്ങൾ പുറത്ത്; വിജയ് സർക്കാർ വിവാദത്തിൽ

ചെന്നൈ: Vijay നേതൃത്വത്തിലുള്ള ടിവികെ സർക്കാർ വീണ്ടും വിവാദത്തിൽ. തമിഴ്നാട് സെക്രട്ടറിയേറ്റിൽ നടന്ന ഔദ്യോഗിക യോഗത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് ചർച്ച ശക്തമായത്.

അംഗപരിമിതരുടെ സംഘടനകളുടെ പ്രതിനിധികളുമായി മുഖ്യമന്ത്രി നടത്തിയ യോഗത്തിന്റെ വീഡിയോ പുറത്തുവന്നതിനെ തുടർന്ന്, ഔദ്യോഗിക ഇടങ്ങൾ പ്രമോഷനായി ഉപയോഗിക്കുന്നുവെന്ന വിമർശനമാണ് ഉയർന്നത്. സർക്കാർ യോഗത്തിന്റെ ദൃശ്യങ്ങൾ സോഷ്യൽ മീഡിയ റീലിനായി ഉപയോഗിച്ചുവെന്ന ആരോപണവും ഉണ്ടായി.

പിന്നീട് വീഡിയോ പങ്കുവച്ചത് സർക്കാർ ഉദ്യോഗസ്ഥനല്ലെന്ന് വ്യക്തമായി. സാമൂഹിക പ്രവർത്തകനും തമിഴ്നാട് ഡിഫറന്റ്ലി ഏബിൾഡ് ഫെഡറേഷൻ ചാരിറ്റബിൾ ട്രസ്റ്റ് പ്രസിഡന്റുമായ ഡോ. പി. സിമ്മചന്ദ്രൻ ആണ് വീഡിയോ പങ്കുവച്ചത്.

മുഖ്യമന്ത്രിയുടെ അനുമതിയോടെയാണ് ദൃശ്യങ്ങൾ പകർത്തിയതെന്ന് സിമ്മചന്ദ്രൻ വ്യക്തമാക്കി. അംഗപരിമിതരുടെ പ്രശ്നങ്ങൾ ചർച്ച ചെയ്യുന്നതിനായിരുന്ന യോഗമെന്നും അദ്ദേഹം പറഞ്ഞു.

സംഭവം സർക്കാരിന്റെ സുതാര്യതയെയും ഔദ്യോഗിക യോഗങ്ങൾ സമൂഹമാധ്യമ പ്രചാരണത്തിന് ഉപയോഗിക്കുന്നതിനെക്കുറിച്ചും ചോദ്യങ്ങൾ ഉയർത്തിയിരിക്കുകയാണ്. അതേസമയം, വിജയ്‌യുടെ തുറന്ന സമീപനത്തിന്റെ ഭാഗമാണിതെന്ന വാദവുമായി പിന്തുണക്കുന്നവരും രംഗത്തുണ്ട്