അടൂർ പ്രകാശ് യുഡിഎഫ് കൺവീനറാണോ, എൽഡിഎഫ് കൺവീനറാണോ?’ തുറന്നടിച്ച് രാജ്മോഹൻ ഉണ്ണിത്താൻ!
അടൂർ പ്രകാശിനെതിരെ രൂക്ഷ വിമർശനവുമായി രാജ്മോഹൻ ഉണ്ണിത്താൻ എം.പി.
യുഡിഎഫ് കൺവീനർ അടൂർ പ്രകാശ് സർക്കാരിനെതിരെയും മുഖ്യമന്ത്രി വി.ഡി. സതീശനെതിരെയും പരസ്യമായി വിമർശനം ഉന്നയിച്ചതിന് പിന്നാലെയാണ് രാജ്മോഹൻ ഉണ്ണിത്താന്റെ പ്രതികരണം.
പാർട്ടിക്കുള്ളിൽ ഉന്നയിക്കേണ്ട പരാതികൾ മാധ്യമങ്ങൾക്ക് മുന്നിൽ അവതരിപ്പിച്ചത് ശരിയായ നടപടിയല്ലെന്ന് അദ്ദേഹം പറഞ്ഞു. യുഡിഎഫ് കൺവീനർ എന്ന നിലയിൽ മുന്നണിക്ക് പ്രതിരോധം തീർക്കേണ്ട വ്യക്തിയാണ് അടൂർ പ്രകാശ്. എന്നാൽ സ്വന്തം താൽപര്യങ്ങൾക്കാണ് അദ്ദേഹം മുൻഗണന നൽകുന്നതെന്നും ഉണ്ണിത്താൻ വിമർശിച്ചു.
പാർട്ടിയിൽ പറയേണ്ട കാര്യങ്ങൾ പാർട്ടി വേദികളിൽ തന്നെ പറയണം. പരാതികളുണ്ടെങ്കിൽ ഹൈക്കമാൻഡിനെ സമീപിക്കുകയാണ് വേണ്ടതെന്നും അദ്ദേഹം വ്യക്തമാക്കി.
അതേസമയം, കെപിസിസി നേതൃത്വത്തിനെതിരെയും രാജ്മോഹൻ ഉണ്ണിത്താൻ വിമർശനം ഉന്നയിച്ചു. സംസ്ഥാനത്ത് പാർട്ടിക്ക് ശക്തമായ സംഘടനാ നേതൃത്വം ആവശ്യമാണെന്നും കെപിസിസി പുനഃസംഘടിപ്പിക്കണമെന്നും അദ്ദേഹം ആവശ്യപ്പെട്ടു.കോൺഗ്രസിനുള്ളിലെ ഭിന്നത പരസ്യപ്പോരിലേക്ക് നീങ്ങുകയാണോ? രാഷ്ട്രീയ കേരളം ഉറ്റുനോക്കുന്നു.
