News

സൗന്ദര്യം കൂട്ടുമെന്ന് കരുതി ക്രീം വാങ്ങരുത്; പരാതിയുണ്ടായാൽ കർശന നടപടി, മുന്നറിയിപ്പുമായി മന്ത്രി കെ. മുരളീധരൻ

മുഖകാന്തി വർധിപ്പിക്കാനായി വിപണിയിൽ എത്തുന്ന ക്രീമുകൾക്കെതിരെ പരാതി ലഭിച്ചാൽ പരിശോധന നടത്തി കർശന നടപടി സ്വീകരിക്കുമെന്ന് ആരോഗ്യമന്ത്രി കെ മുരളീധരൻ വ്യക്തമാക്കി. ക്രീമുകൾ തേച്ചതുകൊണ്ട് മാത്രം സൗന്ദര്യം ഉണ്ടാകില്ലെന്നും, ഉൽപ്പന്നങ്ങൾ വാങ്ങുന്നതിനും ഉപയോഗിക്കുന്നതിനും മുൻപ് ജനങ്ങൾ കൃത്യമായി പരിശോധിച്ച് ഉറപ്പുവരുത്തണമെന്നും അദ്ദേഹം മുന്നറിയിപ്പ് നൽകി. സർക്കാർ അംഗീകൃത ക്രീമുകൾ നിലവിലുണ്ടായിരിക്കെ പല ഉൽപ്പന്നങ്ങളും ഓൺലൈൻ വഴിയാണ് വിപണിയിലെത്തുന്നത്. ഇവ എവിടെ നിർമ്മിച്ചു എന്നതടക്കമുള്ള വിവരങ്ങൾ പരിശോധിച്ച ശേഷമേ ഉപയോഗിക്കാവൂ എന്നും മന്ത്രി നിർദേശിച്ചു.

വാങ്ങുന്നവരും ഉപയോഗിക്കുന്നവരും ഇക്കാര്യത്തിൽ അതീവ ശ്രദ്ധ പുലർത്തേണ്ടതുണ്ടെന്നും, അനധികൃതമായി ഓൺലൈനിൽ വിൽക്കുന്ന ക്രീമുകൾക്ക് നിയന്ത്രണം ഏർപ്പെടുത്തുന്ന കാര്യത്തിൽ തീരുമാനമെടുക്കുമെന്നും അദ്ദേഹം അറിയിച്ചു. ഇത്തരം വിൽപ്പനകൾ അനുവദിക്കില്ലെന്നും, പരാതികൾ ഉയരുന്ന മുറയ്ക്ക് സർക്കാരിന്റെ ഭാഗത്തുനിന്ന് ഉറപ്പായും നടപടിയുണ്ടാകുമെന്നും മന്ത്രി കൂട്ടിച്ചേർത്തു.

Related Articles

Leave a Reply

Your email address will not be published. Required fields are marked *

Back to top button