ഏഴ് പുതിയ രോഗികള്, ഒരു മരണം; ഷിഗെല്ലയില് ആശങ്ക തുടരുന്നു
തിരുവനന്തപുരം: Shigellosis സംസ്ഥാനത്ത് ഇന്ന് ഏഴ് പുതിയ ഷിഗെല്ല രോഗബാധകൾ കൂടി റിപ്പോർട്ട് ചെയ്തു. കോഴിക്കോട്, തിരുവനന്തപുരം ജില്ലകളിൽ രണ്ട് വീതവും തൃശൂർ, മലപ്പുറം, വയനാട് ജില്ലകളിൽ ഓരോ കേസുകളും സ്ഥിരീകരിച്ചതായി ആരോഗ്യവകുപ്പ് അറിയിച്ചു.
ജൂൺ മാസത്തിൽ മാത്രം സംസ്ഥാനത്ത് 140 പേർക്ക് ഷിഗെല്ല രോഗബാധ സ്ഥിരീകരിച്ചിട്ടുണ്ടെന്നും ആറു മരണങ്ങൾ റിപ്പോർട്ട് ചെയ്തിട്ടുണ്ടെന്നും അധികൃതർ വ്യക്തമാക്കി. കോഴിക്കോട് സ്വദേശിനിയായ ഒരു മധ്യവയസ്കയുടെ മരണവും സ്ഥിരീകരിച്ചു. ഈ വർഷം ഇതുവരെ ആകെ 216 പേർക്കാണ് രോഗബാധ സ്ഥിരീകരിച്ചത്.
ജൂൺ മാസത്തിൽ കോഴിക്കോട്, മലപ്പുറം, വയനാട് ജില്ലകളിലാണ് ഏറ്റവും കൂടുതൽ രോഗബാധ റിപ്പോർട്ട് ചെയ്തത്. നിലവിൽ കോഴിക്കോട് (42), വയനാട് (19), തൃശൂർ (12), ആലപ്പുഴ (3) ജില്ലകളിൽ ഔട്ട്ബ്രേക്ക് പ്രഖ്യാപിച്ചിട്ടുണ്ട്. മലപ്പുറം (20), തിരുവനന്തപുരം (17), കൊല്ലം (9), ഇടുക്കി (3), എറണാകുളം (2), കണ്ണൂർ (10), പാലക്കാട് (3) ജില്ലകളിലും രോഗബാധ റിപ്പോർട്ട് ചെയ്തിട്ടുണ്ട്.
അതേസമയം Nipah virus infection നിയന്ത്രണ പ്രവർത്തനങ്ങളും തുടരുകയാണ്. സമ്പർക്ക പട്ടികയിൽ നിന്ന് ഇന്ന് പുതുതായി ആരെയും ആശുപത്രിയിൽ പ്രവേശിപ്പിച്ചിട്ടില്ല. രോഗലക്ഷണങ്ങളെ തുടർന്ന് പരിശോധിച്ച എല്ലാവരുടെയും സാമ്പിൾ ഫലം നെഗറ്റീവാണെന്ന് ആരോഗ്യവകുപ്പ് അറിയിച്ചു. നിലവിൽ 104 പേരാണ് സമ്പർക്ക പട്ടികയിൽ ഉള്ളത്. ഇതിൽ നാല് പേർ അതീവ ഉയർന്ന റിസ്ക് വിഭാഗത്തിലും 14 പേർ ഉയർന്ന റിസ്ക് വിഭാഗത്തിലും 86 പേർ കുറഞ്ഞ റിസ്ക് വിഭാഗത്തിലുമാണ്.
നിപ ബാധിച്ച രോഗി Government Medical College Kozhikodeയിൽ വെന്റിലേറ്റർ സഹായത്തോടെ ചികിത്സയിൽ തുടരുകയാണ്. രാമനാട്ടുകര മേഖലയിലെ വീടുകളിൽ ആരോഗ്യപ്രവർത്തകർ നിരീക്ഷണം ശക്തമാക്കിയിട്ടുണ്ട്. ജില്ലാ കൺട്രോൾ റൂമിലേക്ക് ഇതുവരെ 91 ഫോൺവിളികൾ ലഭിച്ചതായും ആരോഗ്യപ്രവർത്തകർ തുടർച്ചയായി സമ്പർക്ക പട്ടികയിലുള്ളവരെ നിരീക്ഷിക്കുന്നതായും അധികൃതർ അറിയിച്ചു.
