സ്വര്ണവിലയില് വര്ധന; പവന് 320 രൂപ കൂടി
സംസ്ഥാനത്ത് സ്വര്ണവിലയില് വര്ധന. പവന് 320 രൂപയാണ് കൂടിയത്. 1,11,000 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 40 രൂപയാണ് കൂടിയത്. ഒരു ഗ്രാം സ്വര്ണത്തിന്റെ ഇന്നത്തെ വില 13,875 രൂപയാണ്.
ഇന്നലെ രാവിലെ പവന് 520 രൂപ കുറഞ്ഞ സ്വര്ണവില ഉച്ചയ്ക്ക് ശേഷം വീണ്ടും 800 രൂപ താഴ്ന്ന് 1,11,400 രൂപയില് എത്തിയിരുന്നു. എണ്ണവില കുത്തനെ ഉയര്ന്നതിനെ തുടര്ന്ന് കഴിഞ്ഞ ഏതാനും ദിവസങ്ങളിലായി സ്വര്ണവിലയില് ഇടിവാണ് രേഖപ്പെടുത്തുന്നത്.
പശ്ചിമേഷ്യയില് സംഘര്ഷം തുടരുന്നത് അടക്കമുള്ള വിഷയങ്ങളാണ് സ്വര്ണവിലയില് പ്രതിഫലിക്കുന്നത്. ഇറാനുമായുള്ള വെടിനിര്ത്തല് അമേരിക്ക നീട്ടിയെങ്കിലും സമാധാന ചര്ച്ചകളിലെ അനിശ്ചിതത്വവും ഹോര്മുസ് കടലിടുക്കിലെ തുടര്ച്ചയായ തടസ്സങ്ങളുമാണ് ആഗോള വിപണിയില് എണ്ണവില ഉയര്ന്ന് നില്ക്കാന് കാരണം. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
