കേരളകൗമുദി വാർഷികാഘോഷവും വെള്ളാപ്പള്ളി നടേശനുള്ള ആദരവും ഉപരാഷ്ട്രപതി ഉദ്ഘാടനം ചെയ്തു

ആലപ്പുഴ: കേരളകൗമുദിയുടെ 115-ാമത് വാർഷികാഘോഷവും പദ്‌മഭൂഷൺ ബഹുമതി ലഭിച്ച എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശനെ ആദരിക്കുന്ന ചടങ്ങും ഉപരാഷ്ട്രപതി സി.പി.രാധാകൃഷ്ണൻ ഉദ്ഘാടനം ചെയ്തു. രാവിലെ 10ന് ലിയോ തേർട്ടീന്ത് എച്ച്.എസ്.എസ് ഓഡിറ്റോറിയത്തിൽ നടന്ന ചടങ്ങിൽ വെള്ളാപ്പള്ളി നടേശനെ ഉപരാഷ്ട്രപതി ആദരിച്ചു.

ഗവർണർ രാജേന്ദ്ര വിശ്വനാഥ് ആർലേക്കർ മുഖ്യാതിഥിയായിരുന്നു. ചടങ്ങിൽ സ്വാഗതം പറഞ്ഞ കേരളകൗമുദി ചീഫ് എഡിറ്റർ ദീപു രവി ഉപരാഷ്ട്രപതിക്ക് ഉപഹാരം സമ്മാനിച്ചു. കേരളകൗമുദി എക്സലൻസ് പുരസ്കാരങ്ങളും ഉപരാഷ്ട്രപതി വിതരണം ചെയ്തു.ഉന്നതവിദ്യാഭ്യാസ മന്ത്രി റോജി എം.ജോൺ, എം.എൽ.എമാരായ എ.ഡി.തോമസ്, ബി.ബി.ഗോപകുമാർ എന്നിവർ ചടങ്ങിൽ പങ്കെടുത്തു.