പിണറായിയുടെ വീട്ടിലെ ഇഡി റെയ്ഡിനിടെ ഉദ്യോഗസ്ഥരെ ആക്രമിച്ച കേസ്! ഒന്നാം പ്രതിക്ക് ജാമ്യമില്ല, ഹർജി തള്ളി

മാസപ്പടി കേസുമായി ബന്ധപ്പെട്ട് പിണറായി വിജയന്റെ വസതിയിൽ റെയ്ഡിനെത്തിയ ഇഡി ഉദ്യോഗസ്ഥരെ ആക്രമിച്ച കേസിലെ ഒന്നാം പ്രതി നിധിൻ രാജിന് ജാമ്യമില്ല. തിരുവനന്തപുരം പ്രിൻസിപ്പൽ സെഷൻസ് കോടതിയാണ് പ്രതിയുടെ ജാമ്യാപേക്ഷ തള്ളിയത്. കേസിൽ അറസ്റ്റിലായ മറ്റ് പ്രതികൾ കഴിഞ്ഞ രണ്ടു മാസമായി ജയിലിൽ കഴിയുകയാണെന്നും ഒൻപതാം പ്രതിക്ക് മാത്രമാണ് ഇതുവരെ ജാമ്യം ലഭിച്ചതെന്നും വ്യക്തമായിട്ടുണ്ട്.

വീണാ വിജയന്റെ എക്സാലോജിക് കമ്പനിയുമായി ബന്ധപ്പെട്ട കള്ളപ്പണം വെളുപ്പിക്കൽ അന്വേഷണത്തിന്റെ ഭാഗമായി മെയ് 27-നായിരുന്നു തിരുവനന്തപുരത്തെ വസതിയിൽ ഇഡി പരിശോധന നടത്തിയത്. റെയ്ഡിനുശേഷം മടങ്ങിയ ഉദ്യോഗസ്ഥരുടെ വാഹനങ്ങൾ സിപിഎം, ഡിവൈഎഫ്ഐ, എസ്എഫ്ഐ പ്രവർത്തകർ കല്ലുകളും മരക്കഷ്ണങ്ങളും ഉപയോഗിച്ച് ആക്രമിക്കുകയായിരുന്നു.