News
റേഷൻ കാർഡുടമകൾ ശ്രദ്ധിക്കുക; മുൻഗണനാ കാർഡിന് അപേക്ഷിക്കാനുള്ള അവസാന തീയതി ജൂലൈ 20
തിരുവനന്തപുരം: ഒഴിവാക്കല് മാനദണ്ഡങ്ങളില് ഉള്പ്പെടാത്ത കുടുംബങ്ങളുടെ പൊതുവിഭാഗം (വെള്ള, നീല) റേഷന്കാര്ഡുകള് പി.എച്ച്.എച്ച് വിഭാഗത്തിലേക്ക് (പിങ്ക്) തരംമാറ്റുന്നതിനായി അര്ഹരായ മുന്ഗണനേതര റേഷന് കാര്ഡ് ഉടമകള്ക്ക് അപേക്ഷ സമര്പ്പിക്കുന്നതിനുള്ള സമയ പരിധി ജൂലൈ 20 വരെ നീട്ടി.
അര്ഹരായ റേഷന് കാര്ഡുടമകള് ബന്ധപ്പെട്ട രേഖകള് സഹിതം അക്ഷയ കേന്ദ്രങ്ങള് വഴിയോ ecitizen.civilsupplieskerala.gov.in എന്ന സിറ്റിസണ് ലോഗിന് പോര്ട്ടല് മുഖേനയോ അപേക്ഷ സമര്പ്പിക്കണമെന്നു ജില്ലാ സപ്ലൈ ഓഫീസര് അറിയിച്ചു. മുന്ഗണനാ റേഷന്കാര്ഡുകള് ലഭിക്കാന് അര്ഹതയുള്ള മുന്ഗണനേതര വിഭാഗക്കാര്ക്ക് ഇതിന്റെ പ്രയോജനം ലഭിക്കും.
