News
വിദ്യാഭ്യാസ സ്ഥാപനങ്ങള്ക്ക് അവധി, പരീക്ഷകള്ക്ക് മാറ്റമില്ല; പ്രഖ്യാപിച്ച് കളക്ടര്
തൃശൂര്: കനത്ത മഴ തുടരുന്ന സാഹതര്യത്തില് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു.
ജൂലായ് നാല് (ശനിയാഴ്ച) പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (സര്ക്കാര്, എയ്ഡഡ്, അണ്എയ്ഡഡ്, സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള് ഉള്പ്പെടെ) അവധി ബാധകമാണെന്ന് ജില്ലാ കളക്ടര് ശിഖ സുരേന്ദ്രന് അറിയിച്ചു.ജനങ്ങള് ജാഗ്രത പാലിക്കണമെന്നും അനാവശ്യമായി പുറത്തേക്കുള്ള യാത്ര ഒഴിവാക്കണമെന്നും കളക്ടര് അഭ്യര്ത്ഥിച്ചു. അതേസമയം മുന്കൂട്ടി നിശ്ചയിച്ച പരീക്ഷകള്, അഭിമുഖങ്ങള് എന്നിവയ്ക്ക് അവധി ബാധകമായിരിക്കില്ലെന്നും അറിയിപ്പില് വ്യക്തമാക്കുന്നു
