സംസ്ഥാന സർക്കാർ ജീവനക്കാരുടെയും അനുബന്ധ സ്ഥാപനങ്ങളിലെ ജീവനക്കാരുടെയും ആർജിത അവധി സറണ്ടർ ചെയ്യുന്നതിന് യു ഡി എഫ് സർക്കാർ പുതിയ നിയന്ത്രണങ്ങൾ ഏർപ്പെടുത്തി. ഇതുസംബന്ധിച്ച കർശന നിർദ്ദേശങ്ങളടങ്ങിയ ഉത്തരവ് ധനവകുപ്പ് പുറപ്പെടുവിച്ചു.
2026 മെയ് 31 വരെ നിയന്ത്രണങ്ങളോടെ ലീവ് സറണ്ടർ അനുവദിച്ചുകൊണ്ട് സർക്കാർ നേരത്തെ ഉത്തരവിറക്കിയിരുന്നു. എന്നാൽ, 2026 ജൂൺ ഒന്ന് മുതലുള്ള ലീവ് സറണ്ടർ ആനുകൂല്യങ്ങൾ പുതിയ ഉത്തരവിന്റെ അടിസ്ഥാനത്തിൽ മാത്രമേ അനുവദിക്കാവൂ എന്ന് സർക്കാർ വ്യക്തമാക്കിയിട്ടുണ്ട്.
പുതിയ നിർദ്ദേശങ്ങൾ എല്ലാ വകുപ്പുകളും കർശനമായി പാലിക്കുന്നുണ്ടെന്ന് ഉറപ്പുവരുത്തണമെന്ന് ധനവകുപ്പിന്റെ ഉത്തരവിൽ പ്രത്യേകം പരാമർശിക്കുന്നു. ഈ കാര്യത്തിൽ വീഴ്ച വരുത്തുന്ന ഉദ്യോഗസ്ഥർക്കെതിരെ കർശനമായ നടപടികൾ സ്വീകരിക്കുമെന്നും സർക്കാർ മുന്നറിയിപ്പ് നൽകിയിട്ടുണ്ട്.
