വാര്ത്തയില് ഇടംപിടിക്കാനുള്ള അല്പ്പത്തരങ്ങള് ഇനിയെങ്കിലും സുരേന്ദ്രന് അവസാനിപ്പിക്കണം: ഷാഫി പറമ്പില്
ബിജെപി സംസ്ഥാന അധ്യക്ഷന് കെ സുരേന്ദ്രന് മറുപടിയുമായി ഷാഫി പറമ്പില് എംഎല്എ. സുരേന്ദ്രന്റെ ആരോപണങ്ങള് അടിസ്ഥാന രഹിതമെന്ന് ഷാഫി പറമ്പില് പ്രതികരിച്ചു. സീറോ ക്രെഡിബിലിറ്റിയാണ് സുരേന്ദ്രനുള്ളതെന്ന് ഷാഫി പറമ്പില് പറഞ്ഞു.
സുരേന്ദ്രനില് നിന്നോ ബിജെപിയില് നിന്നോ രാജ്യസ്നേഹം പഠിക്കേണ്ട ആവശ്യം തനിക്കില്ലെന്നും വ്യക്തമാക്കി. വാര്ത്തയില് ഇടം നേടാനുള്ള തന്ത്രം മാത്രമാണിതെന്നും വിമര്ശിച്ചു. സുതാര്യമായിട്ടാണ് യൂത്ത് കോണ്ഗ്രസ് തെരഞ്ഞെടുപ്പ് നടന്നതെന്നും ഷാഫി കൂട്ടിച്ചേര്ത്തു.
ശങ്കരാടിയുടെ കൈ രേഖ രാഷ്ട്രീയം പ്രായോഗിക തലത്തില് നടപ്പാക്കുന്ന നേതാവാണ് സുരേന്ദ്രന്. അല്പ്പത്തരം വിളിച്ചു പറയുന്നത് സുരേന്ദ്രന് നിര്ത്തണം. കുഴല്പണ കേസിലെ പ്രതി രാജ്യസ്നേഹം പഠിപ്പിക്കേണ്ടെന്നും ഷാഫി പറമ്പില് എംഎല്എ പറഞ്ഞു.
സംഘടനാതലത്തില് ഇങ്ങനെയൊരു പരാതി ഉയര്ന്നതായി അറിയില്ല. പാലക്കാട്ടെ മറ്റ് തെരഞ്ഞെടുപ്പിലും കൃത്രിമം നടന്നോയെന്ന് പരിശോധിക്കണമെന്ന സുരേന്ദ്രന്റെ പ്രസ്താവന തരം താഴ്ന്നതാണെന്നും ഇങ്ങനെ സ്വയം പരിഹാസ്യനാകരുതെന്നും ഷാഫി പറമ്പില് അഭിപ്രായപ്പെട്ടു.
- വധശ്രമ കേസ്: ബിജെപി കൗൺസിലർ സുഗതൻ്റെ ജാമ്യാപേക്ഷ തള്ളി
- സംസ്ഥാനത്ത് 49 റോഡുകൾ അടച്ചു, വൈദ്യുതിയും കുടിവെള്ളവും തടസ്സപ്പെട്ടു; 15 കോടിയിലധികം രൂപയുടെ നാശനഷ്ടം
- ‘മാപ്പ് എഴുതി നൽകണമെന്ന കാര്യം അറിയിക്കുക മാത്രമാണ് രമേഷ് പിഷാരടി ചെയ്തത്’; കുറിപ്പുമായി അൻസിബ ഹസൻ
- “കടക്കെണി പറഞ്ഞ് കേരളത്തെ വിൽക്കുന്നു!” അപകടകരമായ സ്വകാര്യവൽക്കരണവുമായി യുഡിഎഫ് സർക്കാർ മുന്നോട്ടെന്ന് കെ. രാജൻ
- എല്ലാ സർവകലാശാലകളിലും സന്ദർശനം നടത്തും ; ഉന്നത വിദ്യാഭ്യാസ മേഖലയിൽ പുതിയ പരിഷ്കാരങ്ങളുമായി വകുപ്പ് സെക്രട്ടറി
