മുതിര്ന്ന ഐഎഎസ് ഉദ്യോഗസ്ഥന് യു രത്തന് കേല്ക്കറെ മുഖ്യമന്ത്രിയുടെ സെക്രട്ടറിയായി നിയമിച്ചു. കേരളത്തിന്റെ ചീഫ് ഇലക്ടറല് ഓഫീസറായി സേവനമനുഷ്ഠിച്ചുവരവെയാണ് അദ്ദേഹം ഈ നിര്ണായക പദവിയിലേക്ക് നിയമിതനാകുന്നത്.
മഹാരാഷ്ട്ര സ്വദേശിയായ 2003 ബാച്ച് കേരള കേഡര് ഉദ്യോഗസ്ഥനായ അദ്ദേഹം നേരത്തെ സംസ്ഥാന സര്ക്കാരില് വിവിധ പ്രധാന പദവികള് വഹിച്ചിട്ടുണ്ട്. മുഖ്യമന്ത്രി വി ഡി സതീശന്റെ സെക്രട്ടറിയായി ഇദ്ദേഹത്തെ നിയമിച്ചുകൊണ്ടുള്ള സര്ക്കാര് ഉത്തരവ് ശനിയാഴ്ച പുറത്തിറങ്ങും.
റിട്ടയേര്ഡ് അഡീഷണല് സെക്രട്ടറി ശ്രീകുമാര് ടി യെ മുഖ്യമന്ത്രിയുടെ സ്പെഷ്യല് പ്രൈവറ്റ് സെക്രട്ടറിയായി നിയമിച്ചു. സീജി കടയ്ക്കല് (സിജി ജി എസ്) പ്രസ് സെക്രട്ടറിയായും, റോയ് മാത്യൂ മീഡിയ സെക്രട്ടറിയായും ഈ സംഘത്തിലുണ്ടാകും. തിലകന് കെ പി കെ, മോഹനചന്ദ്രന് എം എസ് എന്നിവരെ അഡീഷണല് പ്രൈവറ്റ് സെക്രട്ടറിമാരായും നിയമിച്ചു. പദ്മകുമാര് എം, അബിമോന് പി എ, മനോജ്കുമാര് പി എന്, ജാഫര്ഖാന് എസ്, ജയചന്ദ്രന് എ, പ്രകാശ് ഒ ടി എന്നിവരെ അസിസ്റ്റന്റ് സെക്രട്ടറിമാരായും നിയമിച്ചു. 20 പേഴ്സണല് സ്റ്റാഫാണ് മുഖ്യമന്ത്രിക്കുള്ളത്.
