72-ാമത് നെഹ്റു ട്രോഫി വള്ളംകളിയോട് അനുബന്ധിച്ച് ഓഗസ്റ്റ് 22ന് ആലപ്പുഴ ജില്ലയ്ക്ക് പ്രാദേശിക അവധി പ്രഖ്യാപിച്ച് കളക്ടർ. ജില്ലയിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും. പൊതുപരീക്ഷകൾക്ക് മാറ്റമില്ല.
അതേസമയം നെഹ്റു ട്രോഫി ജലമേളയ്ക്ക് ഒരുക്കങ്ങളെല്ലാം പൂർത്തിയായിരിക്കുകയാണ്. മുഖ്യമന്ത്രി വി.ഡി സതീശൻ മത്സരങ്ങൾ ഉദ്ഘാടനം ചെയ്യും. കേന്ദ്ര ടൂറിസം വകുപ്പ് മന്ത്രി ഗജേന്ദ്ര സിംഗ്, കർണാടക മുഖ്യമന്ത്രി ഡി കെ ശ്രീകുമാർ, ആഭ്യന്തര മന്ത്രി രമേശ് ചെന്നിത്തല ജില്ലയുടെ ചുമതലയുള്ള എക്സൈസ് സഹകരണ വകുപ്പ് മന്ത്രി ലിജു തുടങ്ങി പ്രമുഖർ വള്ളംകളി കാണാൻ പുന്നമടയിൽ എത്തും. ഓഗസ്റ്റ് 22ന് രാവിലെ 11 മണിക്ക് മത്സരങ്ങൾ ആരംഭിക്കും.
ചെറുവള്ളങ്ങളുടെ ഹിറ്റ്സ് ആണ് ആദ്യം നടക്കുക. ഉച്ചകഴിഞ്ഞ് രണ്ടിന് നടക്കുന്ന ഉദ്ഘാടന സമ്മേളനത്തിനു ശേഷമാണ് ചുണ്ടൻ വള്ളങ്ങളുടെ ഹിറ്റ്സ് മത്സരങ്ങളും ചെറുവള്ളങ്ങളുടെ ഫൈനൽ മത്സരങ്ങളും നടക്കുക.
