തിരുവനന്തപുരം: കേരളത്തിലെ ഒരു ക്യാമ്പസിലും ഗവര്ണറെ കാലുകുത്തിക്കില്ലെന്ന എസ്.എഫ്.ഐയുടെ വെല്ലുവിളി ഏറ്റെടുത്ത് ഗവര്ണര് ആരിഫ് മുഹമ്മദ് ഖാന്. ഡിസംബര് 18നു കോഴിക്കോട് സര്വകലാശാല സെമിനാര് കോംപ്ലക്സില് നടക്കുന്ന സനാതന ധര്മപീഠത്തിന്റെ സെമിനാറില് ഗവര്ണര് പങ്കെടുക്കും.
ഡിസംബര് 16 മുതല് 18 വരെ കോഴിക്കോട് സര്വകലാശാല ഗസ്റ്റ് ഹൗസില് താമസിക്കാനാണ് ഗവര്ണര് തീരുമാനിച്ചിരിക്കുന്നത്. കോഴിക്കോട്ടെ സര്ക്കാര് ഗസ്റ്റ് ഹൗസ് ഒഴിവാക്കിയാണ് കാലിക്കട്ട് ക്യാമ്പസിനുള്ളിലെ ഗസ്റ്റ് ഹൗസിലേക്ക് താമസം മാറ്റിയത്.
മുഖ്യമന്ത്രി പിണറായി വിജയന്റെ അറിവോടെയാണ് തനിക്കു നേരെയുള്ള എസ്.എഫ്.ഐയുടെ പ്രതിഷേധം നടന്നതെന്ന ഗവര്ണറുടെ ആരോപണം നിലനില്ക്കുന്നതിനിടെ സര്വകലാശാലയില് നടക്കുന്ന പരിപാടിയില് പങ്കെടുക്കാനും സര്വകലാശാല ഗസ്റ്റ് ഹൗസില് രാത്രിയടക്കം താമസിക്കാനുമുള്ള ഗവര്ണറുടെ തീരുമാനം.
ഗവര്ണറെ കേരളത്തിലെ ക്യാമ്പസുകളില് കാലുകുത്താന് അനുവദിക്കില്ലെന്നായിരുന്നു എസ്.എഫ്.ഐ സംസ്ഥാന സെക്രട്ടറി പി.എം. ആര്ഷോ വെല്ലുവിളിച്ചത്.
- ലക്ഷദ്വീപിലെ ഭൂമിയും അവകാശങ്ങളും സംരക്ഷിക്കണം; കേന്ദ്ര ആഭ്യന്തരമന്ത്രിക്ക് കത്തയച്ച് രാഹുൽ ഗാന്ധി
- പാലക്കാട് റെയിൽവെ ഡിവിഷൻ വിഭജനം പുനഃപരിശോധിക്കണം: പ്രധാനമന്ത്രിക്ക് മുഖ്യമന്ത്രി കത്തയച്ചു
- നീറ്റ് പിജി പരീക്ഷ 30ന്; അഡ്മിറ്റ് കാര്ഡ് ചൊവ്വാഴ്ച മുതല്
- ഓണക്കച്ചവടം പൊടിപൊടിച്ച് സപ്ലൈകോ; 33 ദിവസംകൊണ്ട് വിറ്റുവരവ് 391 കോടി രൂപ
- 24 മണിക്കൂർ സ്പെഷ്യാലിറ്റി സേവനം; ആരോഗ്യവകുപ്പ് നീക്കത്തിനെതിരെ ഡോക്ടർമാർ, ജീവനക്കാരില്ലെന്ന് പരാതി
