Keralaതിരുവനന്തപുരം
തിരുവനന്തപുരം വിമാനത്താവളത്തിൽ വൻ സ്വർണ്ണ വേട്ട ; 40 ലക്ഷം രൂപയുടെ സ്വർണം പിടികൂടി, ഒരാൾ കസ്റ്റംസ് കസ്റ്റഡിയിൽ
തിരുവനന്തപുരം വിമാനത്താവളത്തിൽ വൻ സ്വർണവേട്ട. 40 ലക്ഷത്തിന്റെ സ്വർണം പിടികൂടി. തമിഴ്നാട് സ്വദേശി സെന്തിൽ രാജേന്ദ്രൻ ആണ് സ്വർണം കടത്തിയത്. ഇയാളെ കസ്റ്റംസ് കസ്റ്റഡിയിൽ എടുത്തു. ഒരിടവേളയ്ക്ക് ശേഷമാണ് തിരുവനന്തപുരം വിമാനത്താവളത്തിൽ സ്വർണവേട്ട നടക്കുന്നത്. രണ്ട് ജീൻസുകൾക്കുള്ളിൽ ഒളിപ്പിച്ച് സ്വർണം കടത്താൻ ശ്രമിക്കവെയാണ് കസ്റ്റംസ് പിടികൂടിയത്. രഹസ്യ വിവരത്തെ തുടർന്നായിരുന്നു പരിശോധന. നിരവധി മാലകളും ചെയിനുകളും കയറിൽ കെട്ടിയ രണ്ട് സ്വർണങ്ങളും പരിശോധനയിൽ കണ്ടെടുത്തിട്ടുണ്ട്. കൂടുതൽ വിവരങ്ങൾ കസ്റ്റംസ് അന്വേഷിക്കുകയാണ്.
