എറണാകുളം പെരുമ്പാവൂരിലെ മെക്ക സ്കൂളിലെ നാലാം ക്ലാസ് വിദ്യാര്ഥിനി സ്കൂള് ബസിന് അടിയില്പ്പെട്ട സംഭവത്തില് ഡ്രൈവർക്കെതിരെ നടപടി. ബസ് ഡ്രൈവര് ഉമ്മറിന്റെ (54) ലൈസന്സ് മോട്ടോര് വാഹന വകുപ്പ് സസ്പെന്റ് ചെയ്തു.
കഴിഞ്ഞ 12ന് ഒക്കലിലാണ് അപകടമുണ്ടായത്. വീടിനു മുന്നില് സഹോദരിയോടൊപ്പം സ്കൂള് ബസില് നിന്ന് ഇറങ്ങിയ പെണ്കുട്ടി ബസിനു മുന്നിലൂടെ പോകുമ്പോഴാണ് അപകടമുണ്ടായത്. പെണ്കുട്ടി റോഡിന്റെ മറുഭാഗത്തേക്ക് കടക്കുമ്പോള് ബസ് അശ്രദ്ധമായി മുന്നോട്ടെടുക്കുകയായിരുന്നു.
പെട്ടെന്ന് പെണ്കുട്ടി ബസ്സിനടിയിലേക്കു വീണു. ബസിന്റെ അടിയില് ഇരുവശങ്ങളിലെയും ചക്രങ്ങള്ക്ക് നടുവില് വീണതിനാല് കുട്ടി പരിക്കേല്ക്കാതെ രക്ഷപ്പെടുകയായിരുന്നു. ഇതിന്റെ സി സി ടി വി ദൃശ്യങ്ങളുള്പ്പെടെ പുറത്തു വന്നിരുന്നു. തുടര്ന്നാണ് ഡ്രൈവര്ക്കെതിരെ നടപടിയെടുത്തത്.
- പൈങ്കുനി ആറാട്ട്: തിരുവനന്തപുരം വിമാനത്താവളം ഇന്ന് നാലുമണിക്കൂറിലധികം അടച്ചിടും
- 54 വർഷങ്ങൾക്ക് ശേഷം മനുഷ്യൻ ചന്ദ്രനിലേക്ക്; ആർട്ടെമിസ് 2 കുതിച്ചുയർന്നു
- വിമാനയാത്ര ഇനി ചെലവേറും; ഇന്ധനസർച്ചാർജ് കൂട്ടി ഇൻഡിഗോ
- വോട്ട് രേഖപ്പെടുത്തൂ, ഒരു രൂപക്ക് പുട്ടുപൊടി സ്വന്തമാക്കൂ; വോട്ടർമാർക്കായി സപ്ലൈകോയുടെ ഓഫർ
- ചര്ച്ചപോലും ചെയ്യാതെ എഫ്സിആര്എ ഭേദഗതി പാസാക്കാൻ മോദി സർക്കാർ ശ്രമിക്കുന്നു :രമേശ് ചെന്നിത്തല
