ഏകീകൃത സിവിൽ കോഡ് ഗോത്രവർഗക്കാരുടെ അവകാശങ്ങളെ ബാധിക്കില്ല; ഭരണഘടനാ പരിരക്ഷ ഉറപ്പാക്കും; ഭീതി പരത്തുന്നത് പ്രതിപക്ഷമെന്ന് അമിത് ഷാ!
ദില്ലി: ഏകീകൃത സിവിൽ കോഡ് (യുസിസി) രാജ്യത്തെ ഗോത്രവർഗ സമൂഹങ്ങളുടെ അവകാശങ്ങളെയോ ആചാരങ്ങളെയോ ഒരു തരത്തിലും ബാധിക്കില്ലെന്ന് കേന്ദ്ര ആഭ്യന്തര മന്ത്രി അമിത് ഷാ. യുസിസി നടപ്പിലാക്കുന്നതിലൂടെ തങ്ങളുടെ പരമ്പരാഗത അവകാശങ്ങൾ നഷ്ടപ്പെടുമെന്ന തരത്തിൽ പ്രചരിക്കുന്ന വ്യാജ വാർത്തകളിലും ഗൂഢാലോചനകളിലും വീഴരുതെന്ന് അദ്ദേഹം അഭ്യർത്ഥിച്ചു. ഗോത്രവർഗക്കാരുടെ തനിമയും സംസ്കാരവും സംരക്ഷിക്കാൻ സർക്കാർ പ്രതിജ്ഞാബദ്ധമാണെന്നും അദ്ദേഹം വ്യക്തമാക്കി. ഭരണഘടനയുടെ 21-ാം അനുച്ഛേദം ഗോത്രവർഗക്കാർക്ക് നൽകുന്ന പ്രത്യേക സംരക്ഷണവും അവകാശങ്ങളും എടുത്തുമാറ്റാൻ ആർക്കും കഴിയില്ലെന്ന് അമിത് ഷാ പറഞ്ഞു. നിയമനിർമ്മാണങ്ങളിൽ ഗോത്രവർഗക്കാരുടെ താൽപ്പര്യങ്ങൾ പൂർണ്ണമായും സംരക്ഷിക്കപ്പെടും. പ്രതിപക്ഷ കക്ഷികളും ചില നിക്ഷിപ്ത താൽപ്പര്യക്കാരും രാഷ്ട്രീയ നേട്ടങ്ങൾക്കായി ഗോത്രവർഗക്കാർക്കിടയിൽ ഭീതി പരത്താൻ ശ്രമിക്കുകയാണെന്നും അദ്ദേഹം ആരോപിച്ചു.
