അഞ്ചരക്കണ്ടി ഡെന്റൽ കോളേജിൽ കൂട്ടരാജി; ഓർത്തോഡോന്റിക് വിഭാഗത്തിലെ മുഴുവൻ ജീവനക്കാരും ഒഴിഞ്ഞു; വിദ്യാർത്ഥി പ്രതിഷേധം തുടരുന്നു
കണ്ണൂര്: അഞ്ചരക്കണ്ടി ഡെന്റല് കോളജിലെ ഓര്ത്തോഡോന്റിക് വിഭാഗത്തിലെ അധ്യാപകര് ഉള്പ്പെടെയുള്ള മുഴുവന് ജീവനക്കാരും തങ്ങളുടെ തസ്തികകളില് നിന്നും രാജിവെച്ചു. വകുപ്പിലെ ഏഴ് ജീവനക്കാരാണ് ഒന്നിച്ച് രാജിക്കത്ത് നല്കിയിരിക്കുന്നത്. അതേസമയം ഇവരുടെ രാജിക്കത്തുകള് അധികൃതര് സ്വീകരിച്ചിട്ടില്ലെന്നാണ് റിപ്പോര്ട്ടുകള്.
നിതിന് രാജിന്റെ മരണം; ലോണ് ആപ്പ് വഴി ഭീഷണിപ്പെടുത്തിയവര് പിടിയില്; പ്രതികള് വിളിച്ചിരുന്നത് സിം ബോക്സുകളിലൂടെ
ഒന്നാം വര്ഷ ബിഡിഎസ് വിദ്യാര്ഥി ആര്എല് നിതിന്രാജ് ആശുപത്രിക്കെട്ടിടത്തില്നിന്നു ചാടിമരിച്ചതിന് പിന്നാലെ ക്യംപസില് പ്രതിഷേധം തുടര്ക്കഥയായിരുന്നു. നിതിന് രാജിന്റെ മരണത്തിന് ഉത്തരവാദികളായ അധ്യാപകര്ക്കും ജീവനക്കാര്ക്കുമെതിരെ വിദ്യാര്ഥികള് ഗുരുതരമായ ആരോപണങ്ങള് ഉന്നയിച്ചിരുന്നു.വിദ്യാര്ഥികളുടെ ഭാഗത്തുനിന്നുള്ള ഇത്തരം കടുത്ത ആരോപണങ്ങള്ക്കും പ്രതിഷേധങ്ങള്ക്കും പിന്നാലെയാണ് ഇപ്പോള് കൂട്ടരാജി ഉണ്ടായിരിക്കുന്നത്.
