ശബരിമല സ്പെഷ്യല് വന്ദേഭാരത് അനുവദിച്ചു; ടിക്കറ്റ് ബുക്കിങ് 14ാം തീയതി മുതല്
തിരുവനന്തപുരം: ശബരിമല യാത്രക്കാരുടെ തിരക്ക് പരിഗണിച്ച് കേരളത്തിലേക്ക് സ്പെഷല് വന്ദേ ഭാരത് അനുവദിച്ചു. ചെന്നൈ-കോട്ടയം റൂട്ടിലാണ് വന്ദേഭാരത് അനുവദിച്ചിരിക്കുന്നത്. ഡിസംബര് 15 മുതല് 24 വരെ നാല് സര്വീസുകളാണ് അനുവദിച്ചിരിക്കുന്നത്. (Sabarimala special vande bharat trains)
ചെന്നൈയില് നിന്ന് രാവിലെ 8.30ന് പുറപ്പെടുന്ന വന്ദേഭാരത് രാത്രി 7.20നു കോട്ടയത്തെത്തും. കോട്ടയത്ത് നിന്ന് രാത്രി ഒന്പതിനു ട്രെയിന് പുറപ്പെടും. ശബരിമലയിലേക്കുള്ള തിരക്ക് കണക്കിലെടുത്താണ് സ്പെഷല് സര്വീസ് അനുവദിച്ചിരിക്കുന്നത്.
നമ്പര് 06151 എം.ജി.ആര് ചെന്നൈ സെന്ട്രല് – കോട്ടയം വന്ദേ ഭാരത് സ്പെഷ്യല് രാവിലെ 4.30- ന് എം.ജി.ആര്. ചെന്നൈ സെന്ട്രലില്നിന്ന് യാത്ര തിരിച്ച് അന്നേ ദിവസം വൈകിട്ട് 4.15ന് കോട്ടയത്ത് എത്തിച്ചേരും. ഡിസംബര് 15, 17, 22, 24 തീയതികളില് ചെന്നൈ- കോട്ടയം പ്രത്യേക വന്ദേഭാരത് സര്വീസ് ഉണ്ടായിരിക്കുന്നതാണ്.
നമ്പര് 06152 കോട്ടയം- ചെന്നൈ സെന്ട്രല് വന്ദേഭാരത് സ്പെഷ്യല് ട്രെയിന് കോട്ടയത്ത് നിന്ന് രാവിലെ 4.40-ന് യാത്ര പുറപ്പെടും. വൈകിട്ട് 5.15-ന് ചെന്നൈയിലെത്തിച്ചേരും. ഡിസംബര് 16, 18, 23, 25 തീയതികളില് ഈ സര്വീസ് ഉണ്ടാകും.
പെരമ്പൂര്, കട്പാഡി, സേലം, ഈറോഡ്, തിരുപ്പുര്, പോഡനൂര്, പാലക്കാട്, തൃശ്ശൂര്, ആലുവ, എറണാകുളം ടൗണ് എന്നീ സ്റ്റേഷനുകളില് സ്റ്റോപ്പുണ്ട്.
എട്ട് കോച്ചുകളുള്ള റേക്ക് ആണ് സര്വീസ് നടത്തുന്നത്. ഈ പ്രത്യേക ട്രെയിനുകളിലേക്കുള്ള മുന്കൂര് ബുക്കിങ് ഡിസംബര് 14 വ്യാഴാഴ്ച രാവിലെ എട്ട് മണി മുതല് ആരംഭിക്കുമെന്ന് ദക്ഷിണ റെയില്വേ അറിയിച്ചു.
- മോഡലിങ്ങിന്റെ മറവിൽ വൻ സെക്സ് റാക്കറ്റ് പിടിയിൽ; കൂടുതൽ അറസ്റ്റ് ഉടൻ, ലഭിച്ചത് മൂന്ന് പരാതികൾ
- പെട്രോള്, ഡീസല് വില വീണ്ടും വര്ധിപ്പിച്ചു: ലിറ്ററിന് 90 പൈസ കൂട്ടി
- ശബരിമല സ്വർണക്കൊള്ള കേസ്; ശാസ്ത്രീയ പരിശോധനാ ഫലം വൈകുന്നു, അന്വേഷണം പൂർത്തിയാക്കാൻ എസ്.ഐ.ടിക്ക് വീണ്ടും സമയം അനുവദിച്ച് ഹൈക്കോടതി
- റഹീമിന്റെ മോചനം കാത്ത് കേരളം; ശിക്ഷാ കാലാവധി ഇരുപതാം തീയതിയോടെ പൂർത്തിയാകും, പെരുന്നാൾ അവധിക്ക് മുൻപ് നാട്ടിലെത്തിക്കാൻ ഊർജ്ജിത ശ്രമം
- സമാധാന ചർച്ചകളിൽ കല്ലുകടി; ഇറാനെതിരെ വീണ്ടും യുദ്ധത്തിന് ആഹ്വാനം ചെയ്ത് പ്രമുഖ അമേരിക്കൻ സെനറ്റർ ലിൻഡ്സെ ഗ്രഹാം
