രാഹുല് മാങ്കൂട്ടത്തിലിനോട് രാജിവെക്കണമെന്നാവശ്യപ്പെട്ട് കെപിസിസി
രാഹുല് മാങ്കൂട്ടത്തിലിനെ കൈവിട്ട് കെപിസിസി. രാഹുല് മാങ്കൂട്ടത്തില് എംഎല്എ സ്ഥാനം രാജിവെക്കണമെന്ന് കെപിസിസി ആവശ്യപ്പെട്ടു. കെപിസിസിയുടെ നിലപാട് എഐസിസിയെ അറിയിച്ചു.
സംസ്ഥാന നേതൃത്വം നിലപാട് അറിയിച്ചതിന് പിന്നാലെ രാഹുല് മാങ്കൂട്ടത്തിലിന്റെ രാജി ആവശ്യപ്പെടാന് ഹൈക്കമാന്ഡും തീരുമാനിച്ചിട്ടുണ്ടെന്നാണ് വിവരം. നിയമസഭാംഗത്വം ഒഴിയണമെന്നും നിര്ദേശിക്കും.
അതേസമയം രാഹുല് മാങ്കൂട്ടത്തിലിന്റെ രാജി ആവശ്യപ്പെട്ടാല് ഉപതിരഞ്ഞെടുപ്പുണ്ടാകുമെന്ന് നേതൃത്വത്തിന് ആശങ്കയുണ്ട്. നിലവിലെ സാഹചര്യത്തില് പാലക്കാട് വന് തിരിച്ചടി നേരിടുമെന്നും നേതൃത്വത്തിന് ആശങ്കയുണ്ട് . ഉപതിരഞ്ഞെടുപ്പ് ഫലം തദ്ദേശ-നിയമസഭാ തിരഞ്ഞെടുപ്പുകളെ ബാധിച്ചേക്കുമെന്നും നേതൃത്വം വിലയിരുത്തുന്നു.
രാഹുല് രാജിവെച്ചാല് എതിരാളികള്ക്കു മേല് മുന്തൂക്കം നേടാമെന്നാണ് വിഡി സതീശന്റെ നിലപാട്. വിഡി സതീശനെ പിന്തുണയ്ക്കുന്നവര്ക്കും ഇതേ നിലപാടാണ്. കുറച്ചുകൂടി കാത്തിരിക്കാമെന്ന് മറുപക്ഷം പറയുന്നുന്നത്. പൊതുപരിപാടികളില് നിന്ന് വിട്ടുനില്ക്കുന്ന രാഹുല് മാങ്കൂട്ടത്തില് എംഎല്എ അടൂരിലെ വസതിയില് തുടരുകയാണ്.
കഴിഞ്ഞദിവസം ജില്ലയിലെ പ്രധാന നേതാക്കളുമായി രാഹുല് കൂടിക്കാഴ്ച നടത്തിയിരുന്നു. അതിനിടെ പ്രതിഷേധ സാധ്യത ഇല്ലാത്ത സാഹചര്യത്തില് രാഹുലിന്റെ വീടിനു മുന്നിലെ ബാരിക്കേഡ് ഉള്പ്പെടെ പൊലീസ് എടുത്തുമാറ്റി. വീടിന് ഏര്പ്പെടുത്തിയ സുരക്ഷ തുടരും.
