സംസ്ഥാനത്ത് നിപ സമ്പര്ക്കപ്പട്ടികയില് ആകെ 497 പേര് ഉള്ളതായി ആരോഗ്യ മന്ത്രി വീണാ ജോര്ജ്. മലപ്പുറം ജില്ലയില് 203 പേരും കോഴിക്കോട് 114 പേരും പാലക്കാട് 178 പേരും എറണാകുളത്ത് 2 പേരുമാണ് സമ്പര്ക്കപ്പട്ടികയിലുള്ളത്.
സംസ്ഥാനത്ത് ആകെ 14 പേര് ഹൈയസ്റ്റ് റിസ്കിലും 82 പേര് ഹൈ റിസ്ക് വിഭാഗത്തിലും നിരീക്ഷണത്തിലുണ്ട്. മലപ്പുറത്ത് ചികിത്സയില് ഉള്ളത് 10 പേരാണ്. ഒരാള് ഐസിയുവിലുണ്ട്. മലപ്പുറം ജില്ലയില് ഇതുവരെ 62 സാമ്പിളുകള് നെഗറ്റീവായി. പലക്കാട് അഞ്ച് പേര് ഐസൊലേഷനില് ചികിത്സയിലാണ്. അഞ്ച് പേരെ ഡിസ്ചാര്ജ് ചെയ്തു.
കേന്ദ്ര സംഘം മലപ്പുറം, പാലക്കാട് ജില്ലകള് സന്ദര്ശിച്ചു. മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു.
