വിനുവിന്റെ പേര് വിവാദം ; വാർഡ് കൗൺസിലർ കെ പി രാജേഷ് കുമാർ രാജിവെച്ചു
കോഴിക്കോട് കോർപറേഷൻ തെരഞ്ഞെടുപ്പില് ഹൈക്കോടതിയില് നിന്ന് തിരിച്ചടി നേരിട്ട സംവിധായകനുമായ വി എം വിനുവിന്റെ വാർഡിലെ കൗൺസിലർ കെ പി രാജേഷ് കുമാർ രാജിവെച്ചു. വിനുവിന്റെ പേര് വോട്ടർ പട്ടികയിൽ ഉണ്ടെന്ന് രാജേഷ് ഡിസിസിയെ തെറ്റിദ്ധരിപ്പിച്ചുവെന്ന് നേതൃത്വം കുറ്റപ്പെടുത്തിയിരുന്നു. ഈ പശ്ചാത്തലത്തിലാണ് രാജേഷിന്റെ രാജി. സജീവ രാഷ്ട്രീയത്തിൽ നിന്ന് വിട്ടുനിൽക്കുകയാണെന്നും രാജേഷിന്റെ രാജിക്കത്തിൽ പറയുന്നു. തെരഞ്ഞെടുപ്പിൽ ചുമതല ഏൽപ്പിച്ച വാർഡുകളിൽ പ്രവർത്തിക്കുമെന്നും രാജേഷ് കുമാർ അറിയിച്ചു.
വോട്ടർ പട്ടികയിൽ പേര് ചേർക്കണമെന്നാവശ്യപ്പെട്ട് വിനു ഹൈക്കോടതിയിൽ സമർപ്പിച്ച ഹർജി തള്ളിയതിന് പിന്നാലെ വിനുവിന്റെ വീട് ഉള്പ്പെടുന്ന മലാപ്പറമ്പ് വാര്ഡിലെ കൗണ്സിലര് രാജേഷ് സജീവ രാഷ്ട്രീയം ഉപേക്ഷിക്കുന്നതായി അറിയിച്ച് പാര്ട്ടി നേതൃത്വത്തിന് കത്ത് നല്കുകയായിരുന്നു. മാനസിക, സാമ്പത്തിക കാരണങ്ങളാല് സംഘടനാ പ്രവര്ത്തനം തുടരാനാകാത്ത നിലയിലാണെന്നും തദ്ദേശ തെരഞ്ഞെടുപ്പിന് ശേഷം സജീവ രാഷ്ട്രീയത്തില് നിന്ന് വിട്ടു നില്ക്കുകയാണെന്നും കത്തില് പറയുന്നു. ജില്ലാ കോണ്ഗ്രസ് നേതൃത്വം ആവശ്യപ്പെട്ടത് പ്രകാരമാണ് രാജേഷിന്റെ ഈ നടപടിയെന്നും വിവരമുണ്ട്.
