കോഴിക്കോട് ലോട്ടറി കടയില് നിന്ന് ഓണം ബമ്പര് ടിക്കറ്റുകള് മോഷ്ടിച്ച പ്രതി പിടിയില്. കാസര്ഗോഡ് സ്വദേശി അബ്ബാസാണ് പിടിയിലായത്. കൊയിലാണ്ടിയിലെ ലോട്ടറി കടയില് നിന്നാണ് ടിക്കറ്റ് മോഷ്ടിച്ചത്. 52 ഓണം ബമ്പര് ടിക്കറ്റുകളാണ് പ്രതി കവര്ന്നത്.
ഇക്കഴിഞ്ഞ പതിനഞ്ചിനായിരുന്നു കേസിനാസ്പദമായ സംഭവം. കൊയിലാണ്ടി ബസ് സ്റ്റാന്റിലെ വി.കെ.ലോട്ടറി കടയില് നിന്നാണ് ടിക്കറ്റുകള് മോഷ്ടിച്ചത്. ലോട്ടറി സ്റ്റാളിലെ ജീവനക്കാരനായ മുസ്തഫയുടെ പരാതിയിലാണ് പ്രതിയെ കാസര്കോഡ് നിന്ന് പിടികൂടിയത്. സിസിടിവി ദൃശ്യങ്ങളുടെ അടിസ്ഥാനത്തില് നടത്തിയ അന്വേഷണത്തിലാണ് പ്രതി പിടിയിലായത്. ഇന്നലെ രാത്രിയാണ് പ്രതിയെ പൊലീസ് പിടികൂടിയത്. പ്രതിയെ ഇന്ന് കോടതിയില് ഹാജരാക്കും.
