News
കാഞ്ഞങ്ങാട് നെഹ്റു കോളേജിൽ സംഘർഷം; യുഡിഎഫ് സ്ഥാനാർത്ഥി സന്ദീപ് വാര്യർക്ക് മർദ്ദനമേറ്റു; ആക്രമണത്തിന് പിന്നിൽ എസ്എഫ്ഐയെന്ന് ആരോപണം
കാസര്കോട്: കാഞ്ഞങ്ങാട് നെഹ്റു കോളേജിൽ വോട്ട് ചോദിക്കാനെത്തിയ യുഡിഎഫ് സ്ഥാനാര്ത്ഥി സന്ദീപ് വാര്യരെ ആക്രമിച്ചതായി പരാതി. വോട്ട് ചോദിക്കാൻ കോളേജിൽ എത്തിയപ്പോള് തടയുകയും പിടിച്ച് തള്ളുകയും ചെയ്തുവെന്ന് സന്ദീപ് വാര്യര് ആരോപിച്ചു. തന്റെ കൂടെയുള്ള പ്രവര്ത്തകരെയും മര്ദിച്ചുവെന്നും പിന്നിൽ എസ്എഫ്ഐ പ്രവര്ത്തകരാണെന്നും സന്ദീപ് വാര്യര് ആരോപിച്ചു. സംഭവത്തിൽ സന്ദീപ് വാര്യര് അടക്കം അഞ്ചുപേരെ തൃക്കരിപ്പൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
