തൃശ്ശൂർ ഒല്ലൂരിൽ ശബരിമല തീർഥാടകർ സഞ്ചരിച്ച മിനി ബസ്സും ചരക്കുലോറിയും കൂട്ടിയിടിച്ചുണ്ടായ അപകടത്തിൽ അഞ്ച് അയ്യപ്പഭക്തർക്ക് പരിക്കേറ്റു. ശനിയാഴ്ച പുലർച്ചെ 4.20-ഓടെ നടന്ന അപകടത്തിൽ പരിക്കേറ്റ ബസ് ഡ്രൈവറുടെ നില ഗുരുതരമാണെന്നാണ് റിപ്പോർട്ട്. തമിഴ്നാട്ടിലെ ഈറോഡ് സ്വദേശികളായ ഭക്തർ സഞ്ചരിച്ച വാഹനത്തിലാണ് ലോറി ഇടിച്ചത്. അപകടസ്ഥലത്തെത്തിയ ഒല്ലൂർ ആക്ട്സ് പ്രവർത്തകരും നാട്ടുകാരും ചേർന്നാണ് പരിക്കേറ്റവരെ ഉടൻതന്നെ തൃശ്ശൂർ ജില്ലാ ജനറൽ ആശുപത്രിയിൽ പ്രവേശിപ്പിച്ചത്.
