വിജയ്‌ക്കെതിരെ രാഷ്ട്രീയ നീക്കം കടുപ്പിച്ച് ഡിഎംകെ; ദുരന്തമുഖത്ത് നിന്ന് മടങ്ങിയത് ഭീരുത്വമെന്ന് വിമർശനം; കരൂർ സംഭവത്തിൽ പ്രതിഷേധം ശക്തം

ചെന്നൈ: തമിഴക വെട്രി കഴകം അധ്യക്ഷൻ വിജയ്ക്കെതിരെ കടുത്ത രാഷ്ട്രീയ നീക്കവുമായി ഡിഎംകെ. കരൂരിൽ വിജയ്യുടെ റാലിക്കിടെ ഉണ്ടായ ദുരന്തത്തിന് ശേഷം ഇരകളെ സന്ദർശിക്കുകയോ മാധ്യമങ്ങളെ കാണുകയോ ചെയ്യാതെ വിജയ് വിമാനത്താവളത്തിലേക്ക് പോകുന്ന ദൃശ്യങ്ങൾ പങ്കുവെച്ചുകൊണ്ടാണ് ഡിഎംകെ കടന്നാക്രമണം നടത്തുന്നത്. വിജയ്യുടെ രാഷ്ട്രീയ നിലപാടുകൾ വെറും വേഷഭംഗി മാത്രമാണെന്നും പ്രതിസന്ധി ഘട്ടങ്ങളിൽ ജനങ്ങളെ അഭിമുഖീകരിക്കാൻ അദ്ദേഹം ഭയപ്പെടുന്നുണ്ടെന്നും ഡിഎംകെ ആരോപിക്കുന്നു.