രാഹുല് മാങ്കൂട്ടത്തെ അറസ്റ്റ് ചെയ്യാത്ത പോലീസ് നടപടിയെ ന്യായീകരിച്ച് മുഖ്യമന്ത്രി
പത്ത് ദിവസമായി ഒളിവിലുള്ള രാഹുല് മാങ്കൂട്ടത്തിലിനെ അറസ്റ്റ് ചെയ്യാത്ത പൊലീസ് നടപടിയെ ന്യായീകരിച്ച് മുഖ്യമന്ത്രി പിണറായി വിജയന്. മുന്കൂര് ജാമ്യാപേക്ഷ നല്കിയാല്, ഒരാളെ അറസ്റ്റ് ചെയ്യുന്ന രീതി കേരളത്തിലില്ല. രാഹുല് ഹൈക്കോടതിയെ സമീപിച്ചതും ഹൈക്കോടതി അറസ്റ്റ് തടഞ്ഞതും സ്വാഭാവിക നടപടിയാണ്. രാഹുലിന് ഒളിവില് സംരക്ഷണമൊരുക്കുന്നത് മുതിര്ന്ന കോണ്ഗ്രസ് നേതാക്കളാണെന്നും മുഖ്യമന്ത്രി പറഞ്ഞു.
കര്ണാടകയിലെ കോണ്ഗ്രസ് മാത്രമല്ല, രാഹുലിലെ രക്ഷപെടാന് സഹായിച്ചതില് സംസ്ഥാനത്തെ കോണ്ഗ്രസുകാര്ക്കും പങ്കുണ്ട്. ഇനി മുകളിലെ കോണ്ഗ്രസില് നിന്ന് സഹായം ലഭിച്ചിട്ടുണ്ടോ എന്നതും അറിയണം. കോണ്ഗ്രസിന്റെ എല്ലാ വിവരങ്ങളും ഞങ്ങള്ക്ക് ഇല്ല. പൊലീസില് നിന്ന് ഒളിച്ചുനില്ക്കാന് കോണ്ഗ്രസ് സംരക്ഷണ വലയം ഒരുക്കുകയാണെന്നും അദ്ദേഹം ആരോപിച്ചു.
പി.എം ശ്രീ വിഷയം കഴിഞ്ഞതാണ്. മുന് നിലപാട് എന്താണോ അതേ നിലപാടുമായാണ് സര്ക്കാര് ഇപ്പോഴും മുന്നോട്ട് പോകുന്നത്. പി.എം ശ്രീ നടപ്പാക്കിയില്ലെങ്കില് കേരളത്തിലെ വിദ്യാഭ്യാസരംഗം തകരില്ല.
പദ്ധതി നടപ്പായില്ലെങ്കില് മറ്റ് ഫണ്ടുകള് കിട്ടാതെ വരുന്ന സാഹചര്യമുണ്ടായിരുന്നുവെന്നും അദ്ദേഹം മാധ്യമങ്ങളോട് പറഞ്ഞു.
കൊല്ലത്തെ ദേശീയപാത അപകടം സര്ക്കാരിന്റെ തലയില് വെക്കാന് നോക്കണ്ടെന്നും ഉത്തരവാദിത്തം നാഷണല് ഹൈവേ അതോറിറ്റി ഓഫ് ഇന്ത്യക്ക് (NHAI) ആണെന്നും അദ്ദേഹം പറഞ്ഞു. രാജ്യത്തിന്റെ പൊതു നില മാറണമെന്നും അദ്ദേഹം കൂട്ടിച്ചേര്ത്തു.
