ദിയ കൃഷ്ണയുടെ വിവാദം ഹൻസികയ്ക്കും തിരിച്ചടിയാകുന്നു?
കൊച്ചി : സോഷ്യൽ മീഡിയയിൽ ദിയ കൃഷ്ണയ്ക്കെതിരെ ഉയരുന്ന വിമർശനങ്ങൾ സഹോദരി ഹൻസിക കൃഷ്ണയ്ക്കും തിരിച്ചടിയാകുന്നു. സിനിമയിൽ നായികയായി അരങ്ങേറ്റം കുറിക്കാനൊരുങ്ങുന്ന ഹൻസികയുടെ പുതിയ ചിത്രത്തിന്റെ ക്യാരക്ടർ പോസ്റ്ററിന് താഴെ വ്യാപകമായി നെഗറ്റീവ് കമന്റുകൾ പ്രത്യക്ഷപ്പെട്ടതായാണ് റിപ്പോർട്ട്.
ദിയ കൃഷ്ണയുമായി ബന്ധപ്പെട്ട വിവാദങ്ങളാണ് ഹൻസികയ്ക്കെതിരായ വിമർശനങ്ങൾക്കും കാരണമെന്നാണ് സൂചന. അമൽ നീരദ് സംവിധാനം ചെയ്യുന്ന ‘ബാച്ചിലർ പാർട്ടി 2’ എന്ന ചിത്രത്തിലൂടെയാണ് ഹൻസിക സിനിമയിൽ ശ്രദ്ധേയമായ വേഷത്തിലെത്തുന്നത്. നസ്ലിനൊപ്പം ഹൻസിക പ്രത്യക്ഷപ്പെടുന്ന ക്യാരക്ടർ പോസ്റ്റർ കഴിഞ്ഞ ദിവസമാണ് പുറത്തുവന്നത്.കൃഷ്ണകുമാർ കുടുംബത്തിൽ നിന്ന് സിനിമയിൽ ശ്രദ്ധേയയായ നായികയായി മാറാൻ ഹൻസികയ്ക്ക് കഴിയുമെന്ന പ്രതീക്ഷയിലായിരുന്നു ആരാധകർ.
എന്നാൽ ദിയയുമായി ബന്ധപ്പെട്ട വിവാദങ്ങൾ ഹൻസികയുടെ സിനിമാ പ്രവേശനത്തിന് മങ്ങലേൽപ്പിക്കുമോയെന്ന ആശങ്കയും സോഷ്യൽ മീഡിയയിൽ ഉയരുന്നുണ്ട്.ദിയ കൃഷ്ണയുടെ പരാമർശങ്ങളും സോഷ്യൽ മീഡിയയിലെ ചില പോസ്റ്റുകൾക്ക് നൽകിയ പിന്തുണയുമാണ് പുതിയ വിവാദങ്ങൾക്ക് വഴിവെച്ചത്. സംഭവത്തിൽ ദിയ മാപ്പ് പറഞ്ഞിരുന്നെങ്കിലും വിമർശനങ്ങൾ പൂർണമായി അവസാനിച്ചിട്ടില്ലെന്നാണ് റിപ്പോർട്ടുകൾ.
അതേസമയം, ദിയയുടെ വിവാദത്തിൽ കുടുംബാംഗങ്ങളെയും അനാവശ്യമായി ലക്ഷ്യംവെക്കരുതെന്ന നിലപാടാണ് സഹോദരി അഹാന കൃഷ്ണ നേരത്തെ വ്യക്തമാക്കിയത്.ഇതിനിടെ, വിവാദങ്ങൾക്കിടയിലും കൃഷ്ണകുമാർ കുടുംബത്തോടൊപ്പമുള്ള ചിത്രം പങ്കുവെച്ച് സോഷ്യൽ മീഡിയയിൽ സജീവമായിരിക്കുകയാണ്.ജീവിതത്തിലെ അനുഗ്രഹങ്ങൾക്ക് നന്ദി പറയണമെന്ന സന്ദേശവും അദ്ദേഹം പങ്കുവെച്ചിട്ടുണ്ട്.
