പിണറായി വിജയന്റെ ഔദ്യോഗിക വസതിയില് 2021 ല് മാത്രം നടന്നത് 2.19 കോടിയുടെ നവീകരണ പ്രവര്ത്തനങ്ങള്; കര്ട്ടന് 7 ലക്ഷം, ജനറേറ്റര് 6 ലക്ഷം, നടപ്പാത 13.62 ലക്ഷം, കാലി തൊഴുത്ത് 42.50 ലക്ഷം
തിരുവനന്തപുരം: മുഖ്യമന്ത്രി പിണറായി വിജയന്റെ ഔദ്യോഗിക വസതിയായ ക്ലിഫ് ഹൗസിന് വേണ്ടി ഖജനാവില് നിന്ന് ചെലവിടുന്നത് കോടികള്.
2021ല് മാത്രം ക്ലിഫ് ഹൗസില് വിവിധ നിര്മാണ പ്രവൃത്തികള് ടെണ്ടര് മുഖേന നടത്തിയത് മാത്രം 2.19 കോടി രൂപക്കാണ്. 2021 ല് ക്ലിഫ് ഹൗസില് ടെണ്ടര് മുഖേന നടത്തിയ പ്രവൃത്തികളുടെ വിശദാംശങ്ങള് മലയാളം മീഡിയക്ക് ലഭിച്ചു.
ടോയ് ലെറ്റിന് 3.79 ലക്ഷം, സുരക്ഷ വര്ദ്ധിപ്പിക്കാന് നടത്തിയ നിര്മാണ പ്രവര്ത്തനങ്ങള്ക്ക് 39.54 ലക്ഷം, ടാറിംഗ് 1.55 ലക്ഷം, സിസിടിവി 15.89 ലക്ഷം, മണ്സൂണിന് മുന്പു നടത്തിയ പ്രവൃത്തിക്ക് 1.69 ലക്ഷം, ഡീസല് ജനറേറ്റര് 6 ലക്ഷം, 72.46 ലക്ഷത്തിന് ബാരക്ക്, മരത്തിന്റെ ചില്ല മുറിച്ചത് 1.77 ലക്ഷം, ഗാര്ഡ് റൂമില് കബോര്ഡിന് 1.39 ലക്ഷം, ഇന്റീരിയര് വര്ക്ക് 3.50 ലക്ഷം, നടപ്പാത 13.62 ലക്ഷം, കാലി തൊഴുത്ത് 42.50 ലക്ഷം, കര്ട്ടന് 7 ലക്ഷം, പെയിന്റിംഗ് 10.70 ലക്ഷം എന്നിങ്ങനെയാണ് ക്ലിഫ് ഹൗസില് 2021 ല് പൊതുമരാമത്ത് വകുപ്പ് മുഖേന നടത്തിയ നിര്മാണ പ്രവര്ത്തനങ്ങള്.
2021 ല് മാത്രം ടെണ്ടറില്ലാതെ നടത്തിയ നിര്മാണ പ്രവര്ത്തികള്ക്ക് മാത്രമാണ് 2.19 കോടി രൂപ ചെലവാക്കിയിരിക്കുന്നത്.
ടെണ്ടറില്ലാതെയുള്ള പ്രവൃത്തികളുടെ കണക്ക് കൂടിയെടുത്താല് തുക ഇനിയും ഉയരും. 2022 ലും 2023 ലും നടത്തിയ നിര്മാണ പ്രവൃത്തികളുടെ കണക്കുകള് വരുംദിവസങ്ങളില് malayalammedia.live പുറത്തുവിടുന്നതായിരിക്കും.
55 ലൈഫ് മിഷൻ വീട് നിർമ്മിക്കാനുള്ള തുകക്കാണ് മുഖ്യമന്ത്രിയുടെ ഔദ്യോഗികവസതിയായ ക്ലിഫ് ഹൗസിൽ 2021 ൽ നിർമാണ പ്രവർത്തങ്ങൾ നടത്തിയത്.
- തലസ്ഥാനം യുദ്ധക്കളം; യൂത്ത് കോൺഗ്രസ് മാർച്ചിന് നേരെ കല്ലേറ്, യൂണിവേഴ്സിറ്റി ഹോസ്റ്റലിൽ കയറി പൊലീസ്
- മന്ത്രി കെ.എം. ഷാജിയെ യുവമോര്ച്ചക്കാര് തടഞ്ഞു, ഓട്ടോയില് കയറി മന്ത്രി, ഓട്ടോയും തടഞ്ഞു, വന് സുരക്ഷാ വീഴ്ച
- ‘പിണറായിക്ക് അറിയുന്നത് പകയും പ്രതികാരവും’; ടിപിയോടുള്ള ക്രൂരത എന്ത് കുറ്റത്തിന്? സിപിഎമ്മിനെതിരെ രൂക്ഷ വിമർശനവുമായി ജി. സുധാകരൻ
- എം കെ മുനീർ സംസ്ഥാന ഭരണ പരിഷ്കാര കമ്മിഷൻ അദ്ധ്യക്ഷനാകും, മന്ത്രിസഭാ യോഗത്തിൽ തീരുമാനം
- ഒക്ടോബര് ആറിന് തെരഞ്ഞെടുപ്പ് കമ്മീഷന് ആസ്ഥാനത്തേക്ക് മാര്ച്ച്; പ്രതിഷേധം ശക്തമാക്കി ഇന്ത്യാ മുന്നണി
