നിയമസഭാ തിരഞ്ഞെടുപ്പ്: മത്സര സന്നദ്ധത അറിയിച്ച് സന്ദീപ് വാര്യര്
പാലക്കാട്: നിയമസഭാ തിരഞ്ഞെടുപ്പില് മത്സരിക്കാന് സന്നദ്ധതയുണ്ടെന്ന് കോണ്ഗ്രസ് നേതാവ് സന്ദീപ് വാര്യര് വ്യക്തമാക്കി. പാര്ട്ടി നിര്ദേശിച്ചാല് ഏത് മണ്ഡലത്തിലായാലും മത്സരിക്കാന് തയ്യാറാണെന്ന് അദ്ദേഹം പറഞ്ഞു. തൃശൂര് തനിക്കു വൈകാരികമായി അടുപ്പമുള്ള സ്ഥലമാണെന്നും അവിടെ നിരവധി സുഹൃത്തുക്കളുണ്ടെന്നും സന്ദീപ് വാര്യര് പറഞ്ഞു.
നിയമസഭാ തിരഞ്ഞെടുപ്പ് ഏപ്രില് രണ്ടാം വാരത്തില് നടക്കുമെന്ന സൂചനകള് നിലനില്ക്കുന്നതിനിടെയാണ് അദ്ദേഹത്തിന്റെ പ്രതികരണം. പാര്ട്ടി ആവശ്യപ്പെടുന്നിടത്ത് ഉത്തരവാദിത്തം ഏറ്റെടുക്കുമെന്ന നിലപാടിലാണ് അദ്ദേഹം.
പാലക്കാട് മണ്ഡലത്തില് കെ സുരേന്ദ്രന് ബിജെപി സ്ഥാനാര്ത്ഥിയാകുന്നതില് സന്തോഷമുണ്ടെന്നും സന്ദീപ് വാര്യര് പ്രതികരിച്ചു. ബിജെപിയുടെ ശക്തി തെളിയിക്കാനുള്ള അവസരമാണിതെന്നും എന്നാല് സുരേന്ദ്രന് മത്സരിച്ചാല് ബിജെപി പാലക്കാട് മൂന്നാം സ്ഥാനത്തേക്കു തള്ളപ്പെടുമെന്നും അദ്ദേഹം പറഞ്ഞു.
