Kerala
വി എസ്സ് മടങ്ങി; ഇനി ജനമനസ്സുകളിൽ ജീവിക്കും
പുന്നപ്രയിലെ രക്തസാക്ഷികളുടെ മണ്ണായ വലിയ ചുടുകാട്ടില് വി എസ് അച്യുതാനന്ദന് എന്ന കമ്മ്യൂണിസ്റ്റ് നേതാവിന് ഇനി അന്ത്യവിശ്രമം. ഒടുവിൽ പൊതുദർശനം നടന്ന റിക്രിയേഷൻ ഗ്രൗണ്ടില് വി എസിന് ഔദ്യോഗിക ബഹുമതികളോടെ യാത്രയയ്പ്പ് നൽകി.
കമ്മ്യൂണിസ്റ്റ് നേതാക്കളായ ടി വി തോമസിന്റെയും പി ടി പുന്നൂസിന്റെയും അന്ത്യവിശ്രമ ഭൂമിക്ക് നടുവിലാണ് വിഎസിനും അന്ത്യവിശ്രമ സ്ഥലമൊരുക്കിയത്. വലിയ ചുടുകാട്ടില് പ്രവേശന ഗേറ്റിന്റെ ഇടതുഭാഗത്താണ് വി എസിന്റെ സംസ്കാരം നടന്നത്. പാര്ട്ടി പ്രവര്ത്തകര് മുദ്രാവാക്യം വിളിച്ച് അഭിവാദ്യം അര്പ്പിച്ച ശേഷം വി എസിന്റെ മകന് അരുണ് കുമാര് ചിതയ്ക്ക് തീകൊളുത്തി.
