യുജിസി നെറ്റ് അഡ്മിറ്റ് കാർഡ് വെബ്‌സൈറ്റിൽ. ജനുവരി 9 നടക്കുന്ന നെറ്റ് പരീക്ഷയുടെ അഡ്മിറ്റ് കാർഡ് ugcnet.nta.ac.in ൽ നിന്ന് ഡൗൺലോഡ് ചെയ്യാം. ആപ്ലിക്കേഷൻ നമ്പറും ജനനത്തീയതിയും ഉപയോഗിച്ച് ഉദ്യോഗാർഥികൾക്ക് അഡ്മിറ്റ് കാർഡ് ഡൗൺലോഡ് ചെയ്യാൻ കഴിയുന്നവിധമാണ് ക്രമീകരണം. മാനേജ്‌മെന്റ്, ഫിസിക്കൽ എഡ്യൂക്കേഷൻ, ഡിസാസ്റ്റർ മാനേജ്‌മെന്റ് അടക്കമുള്ള വിഷയങ്ങളിലാണ് ജനുവരി 9ന് നടക്കുന്ന പരീക്ഷ.
യുജിസി നെറ്റ് ഡിസംബർ പരീക്ഷ വിവിധ ഘട്ടങ്ങളായാണ് നടക്കുന്നത്. 85 വിഷയങ്ങളാണ് പരീക്ഷയ്ക്ക് പരിഗണിക്കുന്നത്. ഇനി ജനുവരി 10,15,16 തീയതികളിലാണ് പരീക്ഷ. ജനുവരി മൂന്ന്, ആറു തീയതികളിലെ പരീക്ഷ പൂർത്തിയായി. ഇന്നും ( ചൊവ്വാഴ്ച), നാളെയും( ബുധനാഴ്ച) നടക്കുന്ന പരീക്ഷയുടെ അഡ്മിറ്റ് കാർഡ് കഴിഞ്ഞ ദിവസം പുറത്തുവന്നിരുന്നു.
യുജിസിയുടെ ഔദ്യോഗിക വെബ്‌സൈറ്റിൽ കാണുന്ന യുജിസി നെറ്റ് അഡ്മിറ്റ് കാർഡ് ഡൗൺലോഡ് ലിങ്കിൽ ക്ലിക്ക് ചെയ്ത് വേണം മുന്നോട്ടുപോകേണ്ടത്. ആപ്ലിക്കേഷൻ നമ്പർ, ജനനത്തീയതി അടക്കമുള്ള ലോഗിൻ വിവരങ്ങൾ നൽകി കഴിഞ്ഞാൽ അഡ്മിറ്റ് കാർഡ് ഡൗൺലോഡ് ചെയ്യാൻ കഴിയുന്നവിധമാണ് ക്രമീകരണം.
