തിരുവനന്തപുരത്ത് പുല്ക്കൂട് നിര്മ്മിക്കാനെത്തിയ 15-കാരന് നേരെ പീഡനശ്രമം. സംഭവത്തില് പരുത്തിപ്പാറ സ്വദേശി അതുല് ജോസഫ്(38) പിടിയിലായി. മുട്ടട ഹോളിക്രോസ് പള്ളിയിലാണ് സംഭവം നടന്നത്. വൈകിട്ട് നാല് മണിയ്ക്ക് പുല്ക്കൂട് നിര്മിക്കാനെത്തിയതായിരുന്നു പത്താം ക്ലാസുകരനായ വിദ്യാര്ഥി. പള്ളി പരിപാലന സമിതി അംഗമാണ് പ്രതി
കുട്ടിയെ പള്ളിയുടെ പിന്ഭാഗത്തേക്ക് വിളിച്ച് വരുത്തിയാണ് പീഡനശ്രമം ഉണ്ടായത്. രക്ഷപ്പെട്ടോടിയ വിദ്യാര്ത്ഥി സുഹൃത്തുക്കളെ വിവരമറിയിക്കുകയായിരുന്നു. തുടര്ന്ന് നാട്ടുകാര് പ്രതിയെ തടഞ്ഞുവെച്ച് പൊലീസില് ഏല്പ്പിക്കുകയായിരുന്നു. തുടര് നടപടികള് സ്വീകരിച്ച പൊലീസ് അതുല് ജോസഫിനെതിരെ പോക്സോ നിയമപ്രകാരം കേസെടുത്തു.
