ന്യൂഡല്ഹി: ദുബായില് എയര് ഷോയ്ക്കിടെ അപകടത്തില് കൊല്ലപ്പെട്ട വിങ് കമാന്ഡറുടെ മൃതദേഹം ഇന്ന് ഡല്ഹിയില് എത്തിക്കും. തേജസ് യുദ്ധ വിമാനം തകര്ന്നുണ്ടായ അപകടത്തിലാണ് വിങ് കമാന്ഡര് നമാംശ് സ്യാലിന് ജീവന് നഷ്ടമായത്. ഉച്ചയോടെ നമാംശ് സ്യാലിന്റെ മൃതദേഹം ഡല്ഹിയിലെത്തിക്കും.
ഹിമാചൽ പ്രദേശില് നിന്നുള്ള വിങ് കമാന്ഡറാണ് നമാംശ് സ്യാല്. 37 വയസായിരുന്നു. വെള്ളിയാഴ്ച്ച ഉച്ച കഴിഞ്ഞ് പ്രാദേശിക സമയം 2.15നായിരുന്നു അപകടമുണ്ടായത്. പൈലറ്റിന് പുറത്തേക്ക് ചാടാന് സാധിക്കാതിരുന്നതാണ് മരണ കാരണമായത്. വിമാനം തകര്ന്ന സംഭവത്തില് വിശദമായ അന്വേഷണം പ്രഖ്യാപിച്ചിരിക്കുകയാണ് വ്യോമസേന. അന്വേഷണത്തിനായി പ്രത്യേക സമിതിയെ നിയോഗിക്കും. ബ്ലാക്ക് ബോക്സ് കണ്ടെത്താനുള്ള ശ്രമങ്ങള് തുടരുകയാണ്. അപകട കാരണം സാങ്കേതിക തകരാറല്ലെന്ന് ഔദ്യോഗികമായി സ്ഥിരീകരിച്ചിട്ടില്ല
