ബിബിൻ ജോർജ്, ഷൈൻ ടോം ചാക്കോ, ചന്ദു നാഥ് എന്നിവരെ കേന്ദ്ര കഥാപാത്രങ്ങളാക്കി ഉബൈനി സംവിധാനം ചെയ്യുന്ന ശുക്രന്റെ ചിത്രീകരണം പൂർത്തിയായി. സിനിമ റിലീസിന് തയ്യാറെടുക്കുന്നു.നീൽ സിനിമാസ്, ജീ സിനിമാസ്, എസ് കെ ജി ഫിലിംസ് എന്നീ ബാനറുകളിൽ ജീമോൻ ജോർജ്, ഷാജി കെ. ജോർജ്, നീൽ സിനിമാസ് എന്നിവരാണ് ചിത്രത്തിന്റെ നിർമ്മാതാക്കൾ.
റൊമാന്റിക് കോമഡി ത്രില്ലർ ഗണത്തിൽ പെടുന്ന ശുക്രന്റെ ചിത്രീകരണം മധ്യ കേരളത്തിൽ തുടങ്ങി പൊള്ളാച്ചിയിൽ വെച്ചാണ് ചിത്രീകരണം പൂർത്തിയായത്. എല്ലാവരുടെയും ജീവിതത്തിൽ ഓരോരുത്തർക്കും ലക്ഷ്യങ്ങളും സ്വപ്നങ്ങളുമുണ്ട്.അതു നടത്തിയെടുക്കാൻ ചിലർ നിരവധി പ്രതിസന്ധികളെ തരണം ചെയ്യേണ്ടി വരും.
ലക്ഷ്യത്തിൽ എത്തി ചേരുക തന്നെ ചെയ്യും. അത്തരത്തിലൊരു ലക്ഷ്യത്തിലേക്ക് ഇറങ്ങിത്തിരിച്ചവന്റെ കഥയാണ് ‘ശുക്രൻ’ പറയാൻ ശ്രമിക്കുന്നത്. ചിത്രത്തിന്റെ കഥ, തിരക്കഥ സംഭാഷണം നിർവഹിച്ചിരിക്കുന്നത് രാഹുൽ കല്യാൺ ആണ്.
ആദ്യാ പ്രസാദാണ് ചിത്രത്തിലെ നായിക.
മറ്റു പ്രധാന കഥാപാത്രങ്ങളായി കോട്ടയം നസീർ, അസീസ് നെടുമങ്ങാട്,അശോകൻ,ടിനി ടോം,ബാലാജി ശർമ,റിയാസ് നർമ്മകല,ഡ്രാക്കുള സുധീർ,കുട്ടി അഖിൽ,ബിനു തൃക്കാക്കര, മധു പുന്നപ്ര,അഭിലാഷ് കൊട്ടാരക്കര,തുഷാര പിള്ള,മാലാ പാർവതി,ആര്യ മേനോൻ, ജയ കുറുപ്പ്,രശ്മി അനിൽ, ദിവ്യാ.എം.നായർ, വൈഷ്ണവി എന്നിവരാണ്. സഹ നിർമ്മാതാക്കൾ ഷിജു വി. പി,ഗിരീഷ് പാലമൂട്ടിൽ, ദിലീപ് റഹ്മാൻ,സഞ്ജു നെടുംകുന്നേൽ .
പ്രൊജക്റ്റ് ഡിസൈനർ-അനുക്കുട്ടൻ ഏറ്റുമാനൂർ,സംഗീതം-സ്റ്റിൽജു അർജുൻ
ഗാനങ്ങൾ – വയലാർ ശരത്ചന്ദ്ര വർമ്മ, രാജീവ് ആലുങ്കൽ, രാഹുൽ കല്യാൺ,ഗായകർ -ശങ്കർ മഹാദേവൻ, മനോ, ഹരിഹരൻ, ജാസി ഗിഫ്റ്റ്, വൈക്കം വിജയ ലക്ഷ്മി,ഛായാഗ്രഹണം – മെൽബിൻ കുരിശിങ്കൽ,എഡിറ്റർ-സുനേഷ് സെബാസ്റ്റ്യൻ, മേക്കപ്പ്-സിജേഷ് കൊണ്ടോട്ടി, കലാസംവിധാനം – അസീസ് കരുവാരക്കുണ്ട്, കോസ്റ്റ്യൂം ഡിസൈൻ- ബ്യൂസി ബേബി ജോൺ, പ്രൊഡക്ഷൻ കൺട്രോളർ – ദിലീപ് ചാമക്കാല,ചീഫ് അസോസിയേറ്റ് ഡയറക്ടർ-ബോബി സത്യ ശീലൻ,സ്റ്റണ്ട്സ് – കലൈ കിങ്സൺ, മാഫിയ ശശി,റോബിൻ. കൊറിയോഗ്രാഫി-ഭൂപതി,സ്റ്റിൽസ്-വിഷ്ണു ആർ ഗോവിന്ദ്, പി. ആർ. ഓ -അരുൺ പൂക്കാടൻ
