തിരുവനന്തപുരം മെഡിക്കല്‍ കോളേജില്‍ നിന്ന് ഉപകരണം കാണാതായതില്‍ സ്വാഭാവികമായ നടപടിക്രമത്തിന്റെ ഭാഗമായാണ് ഡോ. ഹാരിസിനോട് വിശദീകരണം തേടിയതെന്ന് ആരോഗ്യവകുപ്പ് മന്ത്രി വീണാ ജോര്‍ജ്.
വിദഗ്ധസമിതി കണ്ടെത്തിയ കാര്യങ്ങളാണ് ഞാന്‍ പറഞ്ഞത്. ഡോ. ഹാരിസ് HOD ആണ്. ഡിപ്പാര്‍ട്ട്‌മെന്റ് തല അന്വേഷണം നടത്തും. ഡോ. ഹാരിസിനെ കുടുക്കാന്‍ മനപ്പൂര്‍വ്വം ശ്രമിക്കുന്നതായി ചിലര്‍ വാര്‍ത്ത നല്‍കിയെന്നും മന്ത്രി വിമര്‍ശിച്ചു.
ഇതൊരു പകവീട്ടലല്ല. ഡോ. ഹാരിസിനെ വെറുതെ വിടണം. ഉപകരണങ്ങള്‍ അവിടെയുണ്ടെങ്കില്‍ അതെല്ലാം പരിശോധിക്കട്ടെ എന്നും വീണ ജോര്‍ജ് വ്യക്തമാക്കി. 20 ലക്ഷം രൂപയുടെ ഉപകരണം കാണാതായി എന്ന് റിപ്പോര്‍ട്ടില്‍ ഉണ്ട് എന്നായിരുന്നു കഴിഞ്ഞ ദിവസം ആരോഗ്യമന്ത്രി വീണാ ജോര്‍ജ് പറഞ്ഞത്. ഇതില്‍ അന്വേഷണം നടക്കുന്നുണ്ടെന്നും വീണാ ജോര്‍ജ് പറഞ്ഞിരുന്നു.
കന്യാസ്ത്രീമാര്‍ക്ക് താല്‍ക്കാലിക ജാമ്യമല്ല ആവശ്യമെന്നും മന്ത്രി പ്രതികരിച്ചു. ജാമ്യം ലഭിച്ചത് താല്‍ക്കാലിക ആശ്വാസം മാത്രം. കേസ് ഉള്‍പ്പടെ പിന്‍വലിക്കണമെന്നും മന്ത്രി ആവശ്യപ്പെട്ടു.
