പുതിയ ന്യൂനമര്ദ്ദം രൂപപ്പെട്ടു; കേരളത്തില് മഴ മുന്നറിയിപ്പില് മാറ്റം: രണ്ട് ജില്ലകളില് ഓറഞ്ച് അലേര്ട്ട്
സംസ്ഥാനത്ത് മഴ മുന്നറിയിപ്പില് മാറ്റം.രണ്ട് ജില്ലകളില് ഓറഞ്ച് അലേര്ട്ട്. ഇന്ന് കണ്ണൂര്, കാസര്ഗോഡ് ജില്ലകളില് അതിശക്തമായ മഴ പെയ്യുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. 10 ജില്ലകളില് ശക്തമായ മഴയ്ക്കുള്ള യെല്ലോ മുന്നറിയിപ്പ് പ്രഖ്യാപിച്ചു. തിരുവനന്തപുരം, കൊല്ലം ജില്ലകളില് മഴ മുന്നറിയിപ്പില്ല. ബംഗാള് ഉള്ക്കടലില് രൂപപ്പെട്ട ചക്രവാത ചുഴി ന്യൂനമര്ദ്ദമായി ശക്തിപ്രാപിക്കവെയാണ് കേരളത്തില് അതിശക്ത മഴ മുന്നറിയിപ്പ്.
ഇന്ന് മുതല് 4 ദിവസം വിവിധ ജില്ലകളില് അതിശക്ത മഴക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. നാളെ പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര് ജില്ലകളിലുമാണ് അതിശക്ത മഴ മുന്നറിയിപ്പായ ഓറഞ്ച് അലേര്ട്ട് പുറപ്പെടുവിച്ചിരിക്കുന്നത്.
26 ന് പാലക്കാട്, മലപ്പുറം, കോഴിക്കോട്, വയനാട് ജില്ലകളിലും 27 ന് കണ്ണൂര്, കാസര്ഗോഡ് ജില്ലകളിലും ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
