കാസര്‍ഗോഡ് മട്ടലായിയില്‍ റോഡ് നിര്‍മാണത്തിനിടെ മണ്ണിടിഞ്ഞ് ഒരു മരണം. മൂന്ന് പേര്‍ക്ക് പരുക്കേറ്റിട്ടുണ്ട്. ദേശീയപാതയുടെ നിര്‍മാണം നടക്കുന്ന മട്ടലായി ഹനുമാരംമ്പലം ഭാഗത്താണ് ഇന്ന് രാവിലെ പത്ത് മണിയോടുകൂടി അപകടം ഉണ്ടായത്. നാല് പേരാണ് മണ്ണിനടിയില്‍പെട്ടിരുന്നത്. പിന്നീട് മൂന്ന് പേരെ നാട്ടുകാരും ഫയര്‍ഫോഴ്‌സും പൊലീസും ചേര്‍ന്ന് പുറത്തെടുത്തെങ്കിലും മറ്റൊരാളുടെ മരണം സംഭവ സ്ഥലത്തുവെച്ചുതന്നെ സ്ഥിരീകരിക്കുകയായിരുന്നു. അന്യസംസ്ഥാന തൊഴിലാളി കൊല്‍ക്കത്ത സ്വദേശി മുന്‍താജ് മിര്‍ (18) ആണ് മരിച്ചത്. പരുക്കേറ്റവരെ ചെറുവത്തൂരിലെ ആശുപത്രിയിലേക്ക് മാറ്റിയിരിക്കുകയാണ്. ജെ സി ബി ഉപയോഗിച്ച് മണ്ണ് നീക്കം ചെയ്യുന്നതിനിടെ കുന്ന് ഇടിഞ്ഞു വീഴുകയായിരുന്നു.
ദേശീയപാതയുടെ നിര്‍മാണപ്രവര്‍ത്തനം നടക്കുന്ന മട്ടലായി വലിയ കുന്നും പ്രദേശമാണ്.മുന്‍പും മണ്ണിടിച്ചില്‍ സാധ്യതകള്‍ കണക്കാക്കപ്പെട്ടിരുന്ന പ്രദേശമായിരുന്നു ഇത്. പക്ഷെ ഇതുവരെയുള്ള അപകടങ്ങള്‍ ഒന്നും തന്നെ മുന്‍പ് റിപ്പോര്‍ട്ട് ചെയ്യപ്പെട്ടിട്ടില്ല.
ജവാന്‍ പൂര്‍ണം ഷായുടെ മോചനത്തില്‍ അവ്യക്തത തുടരുന്നു; പ്രതീക്ഷയോടെ കുടുംബം
