വ്ലാഡിമിര് പുടിന് ഡിസംബറില് ഇന്ത്യ സന്ദര്ശിക്കും
റഷ്യന് പ്രസിഡന്റ് വ്ലാഡിമിര് പുടിന് ഇന്ത്യയിലേക്ക്. ഡിസംബര് 5,6 തീയതികളിലായിരിക്കും സന്ദര്ശനമെന്നാണ് വിവരം. പ്രധാനമന്ത്രി നരേന്ദ്ര മോദിയുമായി അദ്ദേഹം കൂടിക്കാഴ്ച നടത്തും. റഷ്യയില് നിന്ന് എണ്ണ വാങ്ങുന്നതിനെ ചൊല്ലി അമേരിക്കയില് നിന്ന് ഇന്ത്യക്കെതിരെ സമ്മര്ദ്ദം തുടരുന്നതിനിടെയാണ് പുടിന് ഡിസംബറില് ഇന്ത്യയിലെത്തുമെന്ന വാര്ത്തകള് വരുന്നത്.
കഴിഞ്ഞാഴ്ച യുഎന് പൊതുസഭയ്ക്കിടെ ഇന്ത്യന് മാധ്യമങ്ങളോട് സംസാരിക്കുന്നതിനിടെ റഷ്യന് പ്രസിഡന്റ് പുടിന്റെ ഇന്ത്യ സന്ദര്ശനവുമായി ബന്ധപ്പെട്ട് റഷ്യന് വിദേശകാര്യ മന്ത്രി സെര്ജി ലാവ്റോവ് വിവരങ്ങള് വ്യക്തമാക്കിയിരുന്നു. പുടിന്റെ ഇന്ത്യ സന്ദര്ശനത്തില് വ്യാപാരം, പ്രതിരോധം, സാങ്കേതികവിദ്യ, സഹകരണം ഉള്പ്പെടെയുള്ള അജണ്ടകള് ഉള്പ്പെടുമെന്ന് അദ്ദേഹം ചൂണ്ടിക്കായിരുന്നു.
റഷ്യയില് നിന്ന് എണ്ണാ വാങ്ങുന്നതിലൂടെ ഇന്ത്യന് യുക്രൈനെ സാമ്പത്തികമായി സഹായിക്കുകയാണെന്നും ഇങ്ങനെ ലഭിക്കുന്ന പണം റഷ്യ യുദ്ധത്തിന് ഉപയോഗിക്കുകയാണെന്നും അമേരിക്ക ആരോപിച്ചിരുന്നു. ഇക്കാര്യത്തില് അമേരിക്കന് പ്രസിഡന്റ് ഡോണാള്ഡ് ട്രംപ് ഇന്ത്യക്കെതിരെ കടുത്ത നിലപാടാണ് സ്വീകരിച്ചത്. തുടര്ന്ന് ഇന്ത്യന് ഉത്പന്നങ്ങള്ക്ക് മേല് ഇരട്ടി തീരുവ ചുമത്തുകയും ചെയ്തു.
