മുന് ഐഎഎസ് ഉദ്യോഗസ്ഥന് കണ്ണന് ഗോപിനാഥന് കോണ്ഗ്രസിലേക്ക്. എഐസിസി ആസ്ഥാനത്തെത്തി അംഗത്വം സ്വീകരിച്ചു. 2019-ല് ജമ്മു കശ്മീരിലെ ആര്ട്ടിക്കിള് 370 റദ്ദാക്കിയതില് പ്രതിഷേധിച്ചാണ് സര്വീസില് നിന്നും രാജിവച്ചത്. അഭിപ്രായ സ്വാതന്ത്ര്യത്തിന് പറ്റിയ ഇടമാണ് കോണ്ഗ്രസ് എന്നാണ് കണ്ണന് ഗോപിനാഥന് കോണ്ഗ്രസിലേക്ക് ചേരുന്നതിന് മുമ്പായി പ്രതികരിച്ചത്.
ജമ്മു കശ്മീരിലെ പ്രത്യേക പദവി എടുത്തുകളഞ്ഞ സമയത്താണ് കണ്ണന് ഗോപിനാഥന് കേന്ദ്ര സര്ക്കാര് നയങ്ങള്ക്കെതിരെ രൂക്ഷവിമര്ശനം ഉയര്ത്തിയത്. കശ്മീരിലെ ജനങ്ങളുടെ ജനാധിപത്യ അവകാശവും ഭരണഘടന അവകാശവും ലംഘിക്കുന്നുവെന്നും രാജ്യത്തെ ഒരു പൗരന് എന്ന നിലയില് നിശബ്ദനായിരിക്കാന് കഴിയില്ലെന്നും കണ്ണന് ഗോപിനാഥന് തുറന്നടിച്ചിരുന്നു.
നോട്ടുനിരോധനം അടക്കമുള്ള കേന്ദ്ര സര്ക്കാരിന്റെ ഒരോ നയങ്ങള്ക്കെതിരെയും അതിരൂക്ഷ വിമര്ശനം ഉന്നയിച്ചിരുന്നു. കേന്ദ്ര സര്ക്കാര് കണ്ണന് ഗോപിനാഥനെതിരെ കുറ്റപത്രം നല്കിയിരുന്നു. കേന്ദ്രത്തിന്റെ പ്രതിച്ഛായ കളയാന് ഐഎഎസ് ഉദ്യോഗസ്ഥന് ശ്രമിച്ചുവെന്ന തരത്തിലായിരുന്നു കുറ്റപത്രം.
