കടയ്ക്കൽ: ആനപ്പാറയിൽ നടന്ന കൊലപാതക കേസിലെ പ്രതിയെ കടയ്ക്കൽ പോലീസ് 48 മണിക്കൂറിനുള്ളിൽ കണ്ടെത്തി അറസ്റ്റ് ചെയ്തു. ഒക്ടോബർ 19-ന് രാത്രി 7.30ഓടെയാണ് കൊലപാതകം നടന്നത്. ആനപ്പാറ തൃക്കണ്ണാപുരം സ്വദേശി ശശിയാണ് കൊല്ലപ്പെട്ടത്. ആനപ്പാറ വെള്ളൂർ ഏലയിൽ കിഴക്കുംകര പുത്തൻവീട്ടിൽ രാജുവാണ് അറസ്റ്റിലായത്. തലയ്ക്ക് പരിക്കേറ്റ് ഒരാൾ രക്തം വാർന്ന് റോഡിൽ കിടന്നുവെന്ന വിവരമാണ് പോലീസിന് ലഭിച്ചത്. തുടർന്ന് പോലീസ് സ്ഥലത്തെത്തി.
ഇയാളെ ഉടൻ കടയ്ക്കൽ ഗവ. താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളേജിലേക്കും മാറ്റി എങ്കിലും ജീവൻ രക്ഷിക്കാനായില്ല രാത്രി 10.20ഓടെ മരണം സംഭവിച്ചു. തുടർന്ന് നടത്തിയ അന്വേഷണത്തിൽ, ശശിയും ആനപ്പാറ വെള്ളൂർ ഏലയിൽ സ്വദേശി രാജുവും തമ്മിൽ അടിപിടി ഉണ്ടായതായി പോലീസ് കണ്ടെത്തി. ഇതേ തുടർന്നാണ് ശശിക്ക് അടിയേറ്റത്. രാജുവിനെ പിന്നീട് പോലീസ് അറസ്റ്റ് ചെയ്ത് കോടതിയിൽ ഹാജരാക്കി. കടയ്ക്കൽ പോലീസ് സ്റ്റേഷൻ എസ്.എച്ച്.ഒ സുബിൻ തങ്കച്ചന്റെ നേതൃത്വത്തിലായിരുന്നു അന്വേഷണം.
