News
ഇറാനെ ആക്രമിക്കാന് പോര്വിമാനങ്ങള് ജോര്ദാനില്; കേന്ദ്രമാവുക ഈ താവളം
മധ്യ ജോര്ദാനിലെ അമേരിക്കന് സൈനിക താവളമായിരിക്കും ഇറാനെതിരെ ആക്രമണം നടത്താനുള്ള പ്രധാന കേന്ദ്രമായിരിക്കുക എന്നാണ് പുതിയ വിവരം. ന്യൂയോര്ക്ക് ടൈംസാണ് പുതിയ ഉപഗ്രഹ ചിത്രങ്ങളും ഫ്ലൈറ്റ് ട്രാക്കിംഗ് വിവരങ്ങളുമായി ഈ വിവരം പുറത്തുവിട്ടത്. വെള്ളിയാഴ്ച എടുത്ത ചിത്രങ്ങളില് നിരവധി പേര്വിമാനങ്ങള് ഇവിടെ നിലയുറപ്പിച്ചതായി കാണാം.
മുവാഫഖ് സാള്ട്ടി എന്നറിയപ്പെടുന്ന യു എസ് താവളത്തില് 60-ലധികം യുദ്ധവിമാനങ്ങള് കാണാം. ഇത് സാധാരണ അവിടെ ഉണ്ടാകാറുള്ള വിമാനങ്ങളുടെ മൂന്നിരട്ടിയാണ്. ഫ്ലൈറ്റ് ട്രാക്കിംഗ് ഡാറ്റ അനുസരിച്ച്, കഴിഞ്ഞ ഞായറാഴ്ച മുതല് കുറഞ്ഞത് 68 ചരക്ക് വിമാനങ്ങള് ഈ താവളത്തില് ഇറങ്ങിയിട്ടുണ്ട്. കൂടുതല് യുദ്ധവിമാനങ്ങള് വിമാനപ്പുരകള്ക്കുള്ളില് മറഞ്ഞിരിക്കാനും സാധ്യതയുണ്ട്.
