എറണാകുളം കളമശേരിയില് ഗുഡ്സ് ട്രെയിന് പാളം തെറ്റി വൈദ്യുതി പോസ്റ്റില് ഇടിച്ചു. എറണാകുളത്ത് നിന്ന് തൃശൂരിലേക്ക് പോകുകയായിരുന്ന ട്രെയിനാണ് അപകടത്തില്പ്പെട്ടത്. തൃശൂര് ഭാഗത്തേക്കുള്ള ട്രെയിനുകള് വൈകും.
വടക്കന് കേരളത്തിലും മധ്യകേരളത്തിലും കൂടുതല് ട്രെയിനുകള് വൈകി. നിയന്ത്രണം തുടര്ന്നാല് തെക്കന് കേരളത്തിലെ ഗതാഗതത്തെ വരും മണിക്കൂറുകളില് ബാധിക്കും.
എറണാകുളം ജംഗ്ഷന് – പാലക്കാട് ജംഗ്ഷന് പാസഞ്ചര് (66610) ട്രെയിന് റദ്ദാക്കി. കന്യാകുമാരി – കത്രാ ഹിമസാഗര് എക്സ്പ്രസ് ഒരു മണിക്കൂറും 23 മിനിറ്റും വൈകി ഓടുന്നു. കന്യാകുമാരി പുനലൂര് പാസഞ്ചര് 15 മിനിറ്റ് വൈകിയോടുന്നു. മുംബൈ തിരുവനന്തപുരം നേത്രാവതി എക്സ്പ്രസ് ഒരു മണിക്കൂര് 31 മിനിറ്റ് ഓടുന്നു. ന്യൂഡല്ഹി – തിരുവനന്തപുരം കേരള എക്സ്പ്രസ് 16 മിനിറ്റ് വൈകി ഓടുന്നു.
