സംസ്ഥാനത്തെ സ്വര്ണവില അയവില്ലാതെ വീണ്ടും കുതിക്കുന്നു. ഇന്ന് പവന് 680 രൂപയുടെ വര്ധനയാണ് രേഖപ്പെടുത്തിയിരിക്കുന്നത്. ഇതോടെ സ്വര്ണവില വീണ്ടും പുതിയ സര്വകാല റെക്കോര്ഡ് കുതിച്ചു. ഒരു പവന് സ്വര്ണത്തിന് ഇന്ന് 85,360 രൂപയായി. പണിക്കൂലിയും മറ്റും ചേരുമ്പോള് ഒരു പവന് സ്വര്ണാഭരണത്തിന്റെ വില ഒരു ലക്ഷത്തോളം വരും.
ആഗോള സാഹചര്യങ്ങളാണ് സ്വര്ണവില കുതിച്ചുയരാന് കാരണമെന്നാണ് വിലയിരുത്തപ്പെടുന്നത്. യുഎസ് ഡോളര് ദുര്ബലമാകുന്നത് ഉള്പ്പെടെ സ്വര്ണവില ഉയരാന് കാരണമാകുന്നുണ്ട്. അതിനൊപ്പം നവരാത്രിയും മഹാനവമിയും ദീപാവലിയും ഉള്പ്പെടെയുള്ള വിശേഷ ദിവസങ്ങള് വരാനിരിക്കുന്നതും ഡിമാന്റ് ഉയര്ത്തിയിട്ടുണ്ട്.
