21-ാം നൂറ്റാണ്ടിലെ ഏറ്റവും വലിയ തമാശയാണ് പാരഡി ഗാനത്തിനെതിരെ കേസെടുത്തത്; രാജ്മോഹന് ഉണ്ണിത്താന്
ദില്ലി: `പോറ്റിയേ കേറ്റിയേ’ പാരഡി ഗാനത്തിനെതിരെ കേസെടുത്തതില് പ്രതികരണവുമായി കോണ്ഗ്രസ് നേതാവ് രാജ്മോഹന് ഉണ്ണിത്താന്. 21ാം നൂറ്റാണ്ടിലെ ഏറ്റവും വലിയ തമാശയാണ് പാരഡി ഗാനത്തിനെതിരെ കേസെടുത്തതെന്ന് അദ്ദേഹം പറഞ്ഞു. ഒരു പാരഡി ഗാനം വിവാദമായി മാറിയിരിക്കുകയാണ്. പാരഡി ഗാനം മാര്ക്സിസ്റ്റ് പാര്ട്ടിക്ക് തലവേദനയായി മാറി. കേരളത്തിലെ മുഴുവന് എംപിമാരും ഈ ഗാനം ആലപിച്ചിട്ടുണ്ട്. എല്ലാവരെയും കേസെടുത്ത് അറസ്റ്റ് ചെയ്യും എന്നാണ്. അറസ്റ്റ് ചെയ്ത് അകത്താക്കാനാണ് ഭാവമെങ്കില് കേരളത്തിലെ ജയിലുകള് പോരാതെ വരുമെന്നും രാജ്മോഹന് ഉണ്ണിത്താന് പറഞ്ഞു.
‘പോറ്റിയെ കേറ്റിയെ’ എന്ന പാരഡി പാട്ടില് പൊലീസ് കേസെടുത്തെങ്കിലും കടുത്ത നടപടികള് ഉടനുണ്ടാകില്ല എന്നാണ് വിവരങ്ങള്. പ്രതി ചേര്ത്തവരെ നോട്ടീസ് നല്കി വിളിച്ചുവരുത്തും. കൂടാതെ പ്രചാരണം നല്കുന്ന സൈറ്റുകളില് നിന്നും പാട്ട് നീക്കം ചെയ്യും. രണമന്ത്രത്തെ അപമാനിക്കും വിധം മതവിദ്വേഷമുണ്ടാക്കുന്ന രീതിയില് പാട്ടുണ്ടാക്കിയതിനാണ് തിരുവനന്തപുരം സൈബര് പൊലീസ് ഇന്നലെ കേസെടുത്തത്.
