കണ്ണൂര്‍: കണ്ണൂര്‍ അരിയില്‍ ഷുക്കൂര്‍ വധക്കേസിലെ പ്രതിയെ ഡിവൈഎഫ്‌ഐ മേഖല സെക്രട്ടറിയാക്കി. കെ. ഷിജിനെയാണ് കണ്ണപുരം ഈസ്റ്റ് മേഖലാ സെക്രട്ടറിയായി ഇന്നലെ തെരഞ്ഞെടുത്തത്. എംഎസ്എഫ് പ്രവര്‍ത്തകന്‍ അരിയില്‍ ഷുക്കൂറിനെ കൊലപ്പെടുത്തിയ കേസിലെ പതിനഞ്ചാം പ്രതിയാണ് ഷിജിന്‍.
2012 ല്‍ ഷുക്കൂറിനെ വധിക്കുമ്പോള്‍ മാടായി കോളേജിലെ എസ്എഫ്‌ഐ യൂണിറ്റ് പ്രസിഡണ്ട് ആയിരുന്നു ഷിജിന്‍. പാനൂരില്‍ ബോംബ് നിര്‍മാണത്തിനിടെ കൊല്ലപ്പെട്ട ഷെറിലിനെ കഴിഞ്ഞദിവസം മേഖലാ സമ്മേളനത്തില്‍ രക്തസാക്ഷിയായി ഡിവൈഎഫ്‌ഐ അനുശോചന പ്രമേയം വായിച്ചിരുന്നു. ഈ കേസിലെ മറ്റൊരു പ്രതിയെ സിപിഎം ബ്രാഞ്ച് സെക്രട്ടറിയായും തെരഞ്ഞെടുത്തിരുന്നു.
