രാഹുല് മാങ്കൂട്ടത്തില് എം.എല്.എയെ സന്ദര്ശിച്ച് പാലക്കാട്ടെ കോണ്ഗ്രസ് നേതാക്കള്. കോണ്ഗ്രസ് പാലക്കാട് ബ്ലോക്ക് കമ്മിറ്റി പ്രസിഡന്റ് സി.വി. സതീഷ്, മണ്ഡലം പ്രസിഡന്റുമാര് ഉള്പ്പെടെ ആറുപേരാണ് രാഹുലിനെ അടൂരിലെ വീട്ടിലെത്തി സന്ദര്ശിച്ചത്. ഇന്നലെയായിരുന്നു സന്ദര്ശനം.
കോണ്ഗ്രസ് പ്രാഥമികാംഗത്വത്തില് നിന്നും പുറത്താക്കിയിട്ടും രാഹുലിനെ സംരക്ഷിക്കാനാണ് പാലക്കാട്ടെ നേതാക്കളുടെ തീരുമാനം. രാഹുലിനെ പാലക്കാട്ടേക്ക് എത്തിക്കുന്ന കാര്യങ്ങള് ചര്ച്ചയായി.
സൗഹൃദ സന്ദര്ശനമാണെന്നാണ് നേതാക്കളുടെ പ്രതികരണം.
അതേസമയം പാലക്കാട്ടെത്തി പരിപടികളില് സജീവമാകാനാണ് രാഹുല് മാങ്കൂട്ടത്തിലിന്റെ ആലോചന. റവന്യൂ അസംബ്ലിയില് പരിഗണിക്കേണ്ട വിഷയങ്ങള് ചൂണ്ടിക്കാട്ടി റവന്യൂ മന്ത്രിക്ക് കത്ത് നല്കിയിരുന്നു. പാലക്കാട് സുന്ദരം ഉന്നതിയിലെ പട്ടയ വിതരണം അടക്കമുള്ള വിഷയങ്ങള് ചൂണ്ടിക്കാട്ടിയാണ് കത്ത്.
എന്നാല് പരിപാടികളില് പങ്കെടുക്കാന് രാഹുലിനെ അനുവദിക്കില്ല എന്നാണ് ഡിവൈഎഫ്ഐയുടെയും ബിജെപിയുടെയും നിലപാട്. രാഹുല് പൊതുപരിപാടികളില് സജീവമാകുന്നതില് കോണ്ഗ്രസിലെ ഒരു വിഭാഗത്തിനും എതിര്പ്പുണ്ട്.
