തിരുവനന്തപുരം: സര്ക്കാരിന്റെ ക്രിസ്മസ് വിരുന്നില് മുഖ്യാതിഥിയായി നടി ഭാവന. മുഖ്യമന്ത്രി പിണറായി വിജയന് ഒരുക്കുന്ന വിരുന്നിലാണ് ഭാവന പങ്കെടുക്കുന്നത്. ഇന്ന് ഉച്ചയ്ക്ക് തിരുവനന്തപുരത്താണ് ക്രിസ്മസ് വിരുന്ന്.
മതനേതാക്കള്, സാമൂഹ്യ-സാംസ്കാരിക പ്രവര്ത്തകര്, രാഷ്ട്രീയ നേതാക്കള് തുടങ്ങിയവരും വിരുന്നില് പങ്കെടുക്കും. ഗവര്ണര് രാജേന്ദ്ര ആര്ലേക്കര് ഗോവയിലായതിനാല് വിരുന്നില് പങ്കെടുക്കില്ല. പകരം ലോക്ഭവനില് നടക്കുന്ന വിരുന്നില് മുഖ്യമന്ത്രി പങ്കെടുത്തേക്കും.
നേരത്തെ 26-ാമത് അന്താരാഷ്ട്ര ചലച്ചിത്ര മേള ഉദ്ഘാടനം ചെയ്തതും ഭാവനയായിരുന്നു. ചലച്ചിത്ര അക്കാദമി ചെയര്മാനായിരുന്ന രഞ്ജിത്താണ് ഭാവനയെ അപ്രതീക്ഷിതമായി വേദിയിലേക്ക് ക്ഷണിച്ചത്. വലിയ കയ്യടിയോടെയായിരുന്നു ഭാവനയെ സദസ് സ്വീകരിച്ചത്.
